Ṭanpuina sem chhuak

Mizoram Reds, Liverpool Supporter Club member-te chuan sum an thawh khawm Rs. 75,000 chu hripui vanga harsatna tâwk na zual khua/veng ṭhenkhatah nimin khan an hlân. Tanhril, Bethlehem Vengthlang, Tlabung, Bairabi, Chhingchhip leh Keiṭum-ah Rs. 10,000 ṭheuh an pe a; ṭanpuina hi Liverpool hmunpui lam hriatpuinaa sem a nih thu an tarlang.

Lunglei Higher Secondary School NSS chuan Serchhip Chanmari Veng Village Task Force hnenah a ṭul apianga hman atan nimin khan Rs. 30,000 an hlân.

Reiek khaw mite‘n an thar thlai chi hrang hrang leh Reitlangpui Multipurpose Farming Cooperative Society-te‘n aieng an thawh khawm chu May 25 khan Reiek Branch YMA hruaitute‘n Maubawk mipuia sem turin Maubawk LTF hnenah an hlân bawk.