Thlai leh sa zawrh man endik

Aizawla sa leh thlai man bithliah tura ruat Committee for Fixation of Price of Meat, Vegetables and Fruits within Aizawl Municipal Council (AMC) chuan nimin khan an chairman Dr Lalhriatzuali Ralte, bawrhsap hoin Aizawl hmun hrang hranga sa leh thlai zawrhte an endik.

Sorkar thuchhuah tarlan danin, Committee hian Bawngkawn bazar, Chanmari kawng dung, New Market chho leh Kulikawn kawngpui dunga thlai leh sa zawrhte chu sorkarin rate a bituk anga an zawrh leh zawrh loh an enfiah a; rate bituk aia sanga zuar leh rate bituk aia hniama zuar an awm nual.

Bawng sa, ar sa leh sanghate chu rate bituk angin zawrh a ni tlangpui a; New Market-a artui zawrhna hmun hrang hrangah artui rate a inang lo hle tih an hmu a, rate bituk aia sanga hralh lo turin an hrilh a ni.