Covid-19 vei pakhat thih belh

Covid-19 vei State Referral Hospital (ZMC)-a enkawl lai PC Lal­­than­mawia (80) h/o Lalro­tluangi, Elec­tric Veng, Aizawl chu nimin chawhma dar 11:15 khan a thi a, nizan khan Electric Veng MUP Inah a ruang dah a ni a, vawiin chawhma dar 11-ah YMA hall-ah vui a ni ang.

Electric Veng khaw­tlang hruaitute hnen aṭanga thu dawn danin, PC Lalthanmawia hi hripui vei a ni tih finfiah a nih hmain Covid-19 symptom a neih avangin SRH-ZMC-ah May 18, 2021 khan dah luh a ni a, May 19-ah positive a ni tih finfiah a ni. Zunthlum leh thisen sang nei sa a nih thu sorkar thuchhuahin a tarlang.

Mizorama Covid-19 vei thi hmasa ber Lalsang­khuma, Dawrpui chu October 28, 2020-ah a thi a, sorkar chhinchhiah danah nimina thi PC Lalthanmawia hi Mizorama hripui vei thi 35-na a ni.