COVID-19: Mizoram dinhmun : Hripui vei 239 hmuh belh a ni

May 27, Ningani khan Mizoramah Covid-19 vei mi 239 hmuh chhuah a ni a, hri vei hmuh tawh zawng zawng chu 11,380 niin, tun May thla bikah mi 5,249 hmuh chhuah a ni tawh. Nimin khan hripui laka fihlim tawh mi 102 chhuahtir an ni a, mi pakhat a thi thung.

Covid-19 vei hmuh tharte chu mipa 123 leh hmeichhia 116 niin, Aizawla veng 38 leh khaw dang 16-a mite an ni a; ZMC laboratory-a hmuh chhuah mi, 50, TrueNAT-PCR hmanga hmuh mi 11 leh RAT hmanga hmuh mi 178 an ni.

Kumin May thla bik ni 27 chhungin hripui vei mi 5,249 hmuh chhuah a ni tawh a, hmuh tawh zawng zawng aṭangin 44.97% a tling.

Mizoramah Covid-19 vei mi 11,380 hmuh chhuah a ni tawh a, mipa 6,902 leh hmeichhia 4,478 an ni. Nimin tlai dar 5:00 thleng khan mi 8,589 (75.47%) chhuahtir an ni tawh a, mi 35 (0.31%) thi tawhin, enkawl mek mi 2,756 (24.22%) an awm.

May 27, Ningania swab sample endik dan chu - ZMC laboratory-ah 985, TrueNAT-PCR hmangin district 10-ah 175 leh RAT hmangin district 11-ah 2,358 a ni a; a vaiin sample 3,485 (mipa 2,004 leh hmeichhia 1,481) niin, chu'ng aṭanga hripui vei hmuh chhuah 239 chu 6.85% a tling.

District hrang hranga hripui vei hmuh chhuah dan chu, Aizawl district-ah 149, Lawngtlai district-ah 35, Lunglei district-ah 21, Saitual district-ah 10, Kolasib district-ah pakua, Siaha district-ah pariat, Khawzawl district-ah pathum, Serchhip district-ah pahnih leh, Champhai leh Mamit district-ah pakhat ve ve a ni.

IDSP tarlan danin, mi 239 zinga 235 chu Mizorama kái chhâwng an ni a, tun hnaia state páwn aṭanga Mizorama lut mi pali an awm. Tualchhunga kái zingah hri kàina hriat loh mi 67 an awm a; Covid-19 symptom nei mi 130 (54.39%) an awm bawk.

Mi 239-te zingah naupang kum tling lo 46 aia tlem lo telin, symptom nei eng emaw zat an awm a, kum 60 chung lam mi 15 aia tlem lo telin, a upa ber chu kum 92 mi a ni. ZMC-a hmuh chhuah mi 50 zingah symptom nei pakhat chiah a awm a, tualchhung kai mi 49 an awm. TrueNAT hmanga hmuh mi 11-te chu tualchhunga kai vek an ni a, pakhatin symptom a nei. RAT hmanga hmuh mi 178 zingah symptom 123 an awm a; mi 177 chu tualchhunga kái niin, kàina hriat loh mi 76 an awm a ni.

Nimin khan tlai dar 5 thlengin hripui laka fihlim tawh mi 102 chhuahtir an ni a; Aizawl district aṭangin mi 88, Kolasib district aṭangin mi paruk, Lawngtlai district aṭangin mi panga leh, Siaha, Champhai leh Khawzawl district aṭangin mi pakhat ṭheuh an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 4,601 hmuh chhuah a ni tawh a, TrueNAT-PCR hmangin 946 leh RAT hmangin 5,594 hmuh chhuah a ni tawh.

May 27, 2021 thlengin Mizoramah swab sample 3,81,291 endik a ni tawh a, chu'ng aṭanga Covid-19 positive hmuh tawh zat 11,380 chu 2.98% a ni. Hripui vei hmuh tawh zinga mi 7,755 chu Mizoram chhunga kái chhâwng an ni a, mi 3,625 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Khua/Veng A zat
AIZAWL DISTRICT
Aizawl Venglai 2
Armed Veng South 4
Bawngkawn 13
Bethlehem Veng 3
Bethlehem Vengthlang 5
Chaltlang Lily Veng 4
Chanmari 7
Chhinga Veng 5
Dawrpui 8
Dawrpui Vengthar 1
Dinthar 1
Electric Veng 3
Falkland Veng 3
Hunthar Veng 4
ITI Veng 2
Kanan Veng 4
Kulikawn 1
Maubawk 4
Mission Vengthlang 2
Muanna Veng 5
Ramhlun South 8
Ramhlun Vengthar 3
Ramthar Veng 4
Rangvamual 2
Republic Vengthlang 2
Sakawrtuichhun (BSF 1) 2
Saikhamakawn 1
Saron Veng 15
Tanhril 6
Tuikual South 4
Tuithiang Veng 9
Ṭhuampui 1
Upper Republic 1
Vaivakawn 1
Venghlui 1
Zarkawt 3
Zemabawk 1
Zonuam 2
Tuirial Airfield 1
Thingsul Tlangnuam 1

LUNGLEI DISTRICT
Electric Veng 15
Chanmari 6

SIAHA DISTRICT
Siaha New Colony-II 7
Tipa-V (Tuipang) 1

CHAMPHAI DISTRICT
Zokhawthar 1

KOLASIB DISTRICT
Bairabi 4
Kolasib Electric Veng 3
Kolasib Vengthar 1
Vairengte 1

SERCHHIP DISTRICT
Keiṭum 1
Thenzawl 1

LAWNGTLAI DISTRICT
Kamalanagar 32
Lawngtlai Bethel Veng 2
Lawngtlai Bazar Veng 1

MAMIT DISTRICT
Mamit 1

SAITUAL DISTRICT
Keifang 10

KHAWZAWL DISTRICT
Kawlkulh 3