Driver-te'n ngaihdam dil an phût

Mizoram Truck Drivers Association (MTDA) chuan thuchhuah siamin, Lalbiakdika khalh buhfai phur truck MZ01 T-1777 chu Hnahthial dáiah Hnahthiala task force duty-te'n motor aṭanga chhuk an phalsak loh avangin eirawng a inbàwl thei loh thu an tarlang.

MTDA tarlan danin, Lalbiakdika hian zan­khuain chaw a nghei a, a tûka Hnahthial kudama buhfai a hlangthla zo a haw chu task force duty-te leh Traffic police pakhatin ûm zuiin kut an thlâk a ni.

Tihsual lian nei si loa mipui mamawh eibar phurtute'n tihduhdah an tâwk chu hriatthiam harsa an tih thu sawiin MTDA chuan, "Kutthlaktute hian MTDA lungawina tâwka ngaihdam an dil a nih loh chuan Hnahthialah buhfai dah kan tum tawh lo," an ti.