Kolasib damdawi-inah Truelab Quattro pe

Minister of state MLA K Lalrinliana chuan nimin khan MLA fund hmanga a lei, Truelab Quattro chu a bial chhunga Kolasib District Hospital-a hman turin a hlân a, deputy medical superintendent Dr Doris Lalnunmawii Sailo-in a dawng.

K Lalrinliana chuan, hripui donaa harsatna awmte chu inthlahrung loa a hnena thlen vat ṭhin turin damdawi-ina thawkte chu a chah a, "Khawtlang leh sorkar thawhhona hnuaiah hri kai an tlem hret hret niin a lang. Truelab Quattro khawl hi Covid-19 hri kài leh kài loh endikna atan leh hri dangte endikna atan ṭangkai taka Kolasib mipuiin an hman ka beisei," a ti.

Inkhawm kaihruaitu Kolasib DC Dr H Lal­thlangliana sawi danin, khawl indaih lohna avanga ni 10 aia rei inkhung hrang tawh, swab test result ngaichâng mi ṭhahnem tak an awm ṭhin.