ZPM councillor-te'n an hmalakna thlirho

ZPM councillor-te chu nimin khan AMC Councillors Recess Room-ah an ṭhukhawm a, hripui léng donaa an hmalaknate an thlir let.

ZPM councillor-te chuan, an ward mipui leh local task force-te nen lungrual taka ke pên a, thawhhona ṭha tak an neih zel avangin lawmawm an tih thu an sawi a; hripui do zui zelna turah ṭawiawma finchhuah turin LTF-te leh mipui an ngen a ni.

Hripui laka himna leh damna tur chu mahni ṭheuhah a innghah avangin, sorkar thuchhuak leh mahni venga LTF-te thu a kip a kâwia zâwm turin ZPM councillor-te chuan mipui an ngen a; thuawihna leh fimkhurna nen hri laka hnehna chan ngei a ṭul thu an sawi bawk.