Book of the Year ziaktu Covid-19 vangin thi

Rev. Lalhmingchhuanga Zongte, Baptist Church of Mizoram hnuaia North India Mission Field Director chu tukin (May 29) dár 4:00 khan Indian Spinal Injury Centre, Vasant Kunj, New Delhi-ah Covid-19 avangin a thi.

Rev Lalhmingchhuanga hi 'Savun Kawrfual' tih lehkhabu ziaktu a ni a, he lehkhabu hi kum 2017-ah Mizo Academy of Letter-in Book of the Year-ah an thlang a ni.

Thu dawn danin a ruang hi BCM Shalom, Mission Vengthlang, Aizawlah vui tura tih a ni a, Mizorama a ruang phurh dan tur buaipui mek a ni.