COVID VEI MI 3 THIH BELH

Covid-19 vei State Referral Hospital (ZMC)-a enkawl lai Z Lalzidinga (78), Saron Veng, Aizawl chu vawin (May 30) zing dar 3:25 khan a thi a, vawiin chawhma dar 10 khan vui a ni.

Lalzidinga hi hripui vei nia rinhlelh a nih avangin May 14, 2021-ah SRH-ZMC-ah dah luh a ni a, May 15-ah Covid-19 positive a ni tih finfiah a ni.Vawiin tlai dar 3:45 khan Covid-19 vei Chawngluaia (87), Chhinga Veng chu a thi a, naktukah vui a ni ang. Amah hi RAT hmangin vawiina swab test-ah Covid positive a ni tih hmuh chhuah chauh a nih thu sorkar thuchhuakin a tarlang.

Covid-19 vei SRH-a enkawl lai Malsawmsangi (37), Zokhawthar, Champhai district pawh vawiin tlai dar 4:45 khan a thi a, naktukah vui a ni ang. Malsawmsangi hi Covid positive a ni tih May 12-ah hmuh chhuah a ni a, Champhai CCC-a enkawl a nih hnuah May 21 khan SRH-ZMC-ah dah luh a ni.