Mizoramah Covid-19 vei Hmuh tam ber ní a thleng
Mizoramah Covid-19 vei May 28, Zirtawpniah mi 283 hmuh chhuah a ni a, Inrinniah mi 329 hmuh leh niin, hmuh tam ber ní a ni. May thla ni 29 chhungin mi 5,857 hmuh chhuah a ni tawh. May 29-30 chhung khan hripui laka fihlim tawh mi 318 chhuahtir an ni a, nimin khan mi pathum an thi.
Hripui vei May 28-a hmuhte chu ZMC laboratory-a hmuh chhuah 102, TrueNAT hmanga hmuh paruk leh RAT hmanga hmuh 175 an ni a; Aizawla veng 38 leh khaw dang 18-a mite an ni. Nausen kum 1 la tling lo panga an awm a, naupang ber thla 1 miin symptom a nei a; upa ber kum 92 miin symptom a nei bawk.
May 29-a hmuh tharte chu ZMC-a hmuh 68, TrueNAT hmanga hmuh 12 leh RAT hmanga hmuh 249 an ni a; Aizawla veng 35 leh khaw dang 19-a mite an ni. Nausen kum 1 tling lo pathum telin, symptom nei vek an ni a; kum 60 chung lam zingah symptom nei an awm nual a, upa ber kum 83 mi pawhin symptom a nei.
May thla ni 29 chhungin Mizoramah hripui vei mi 5,857 hmuh chhuah a ni tawh a, chu chu positive hmuh tawh zawng zawng 11,988 aṭangin 48.86% a tling.
Mizoramah Covid-19 vei mi 11,988 hmuh chhuah a ni tawh a, mipa 7,241 leh hmeichhia 4,747 an ni. Nimin tlai dar 5:00 thleng khan mi 8,961 (74.75%) chhuahtir an ni tawh a, mi 37 (0.31%) thi tawhin, enkawl mek mi 2,990 (24.95%) an awm.
May 28, Zirtawpnia swab sample endik dan chu - ZMC laboratory-ah 1,489, TrueNAT hmangin district pariatah 195 leh RAT hmangin district 11-ah 1,923 a ni a; a vaiin sample 3,607 niin, chu'ng aṭanga hripui vei hmuh chhuah 283 chu 7.84% a tling.
Zirtawpnia district hrang hranga hripui vei hmuh chhuah dan chu - Aizawl district-ah 230, Lungleiah 16, Serchhipah 15, Kolasib-ah 13, Lawngtlaiah pali, Mamitah pathum leh Saitual district-ah pahnih a ni.
IDSP tarlan danin, mi 283 zinga 276 chu Mizorama kái chhâwng an ni a, tun hnaia state páwn aṭanga Mizorama lut mi pasarih chiah an awm. Tualchhunga kái zingah hri kàina hriat loh mi 71 an awm a; Covid 19 symptom nei mi 148 (52.30%) an awm bawk.
May 28-a hripui vei ZMC-a hmuh mi 102 zingah symptom nei pakhat chiah a awm a, TrueNAT hmanga hmuh mi paruk zingah symptom nei an awm lo a, mi panga chu tualchhunga kái an ni. RAT hmanga hmuh mi 175 zinga 147 chu symptom nei an ni a, symptom nei lo mi 28 an awm.
May 29, Inrinni swab sample endik dan chu - ZMC-ah 1,773 TrueNAT hmangin district pasarihah 254 leh RAT hmangin district 11-ah 2,082 a ni a; a vaiin sample 4,109 niin, chu'ng aṭanga hripui vei hmuh chhuah 329 chu 8.00% a tling.
Inrinnia district hrang hranga hripui vei hmuh chhuah dan chu - Aizawl district-ah mi 135, Kolasib district-ah 57, Lawngtlaiah 46, Lunglei leh Serchhipah 41 ve ve, Saitualah pali, Siaha leh Khawzawlah pahnih ve ve leh, Mamitah pakhat a ni.
IDSP tarlan danin, mi 329 zinga 321 chu Mizorama kái chhâwng an ni a, tun hnaia state páwn aṭanga Mizorama lut mi pariat an awm. Tualchhunga kái zingah hri kàina hriat loh mi 137 an awm a; Covid-19 symptom nei mi 162 an awm bawk.
Inrinnia ZMC-a hripui vei hmuh chhuah mi 68 zingah symptom nei mi pakhat chiah a awm a, TrueNAT hmanga hmuh chhuah mi 12 zingah symptom nei an awm lo. RAT hmanga hmuh mi 249 zingah symptom nei mi 161 an awm a ni.
Nimin khan tlai dar 5 thlengin hripui laka fihlim tawh mi 98 chhuahtir an ni a; Inrinni khan mi 220 chhuahtir an ni tawh bawk. Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 4,821 hmuh chhuah a ni tawh a, TrueNAT-PCR hmangin 975 leh RAT hmangin 6,191 hmuh chhuah a ni tawh.
May 27, 2021 thlengin Mizoramah swab sample 3,89,007 endik a ni tawh a, chu'ng aṭanga Covid-19 positive hmuh tawh zat 11,988 chu 3.08% a ni. Hripui vei hmuh tawh zinga mi 8,348 chu Mizoram chhunga kái chhâwng an ni a, mi 3,640 chu Mizoram páwn aṭanga an rawn luh hnua hmuh chhuah an ni thung.
COVID-19 VEI HMUH THARTE
(May 28-29, 2021)
Khua/Veng A zat
AIZAWL DISTRICT
Aizawl Venglai 5
Bawngkawn 28
Bethlehem Veng 7
Bethlehem Vengthlang 8
Bungkawn 5
Chaltlang 4
Chaltlang Lily Veng 9
Chanmari 7
Chanmari West 1
Chawnpui 4
Chhinga Veng 40
Dawrpui 13
Dawrpui Vengthar 3
Dinthar 3
Edenthar Veng 11
Electric Veng 21
Govt. Complex 1
ITI Veng 2
Kanan Veng 7
Khatla South 1
Laipuitlang 1
Lungverh 7
Maubawk 8
Mission Vengthlang 2
Muanna Veng 16
Ramhlun South 12
Ramhlun Vengthar 3
Ramthar North 10
Ramthar Veng 9
Rangvamual 5
Republic Veng 1
Republic Vengthlang 5
Sakawrtuichhun 1
Saron Veng 39
Salem Veng 1
Tanhril 4
Tlangnuam 1
Tuikual North 12
Tuikual South 2
Tuithiang Veng 7
Ṭhuampui 1
Vaivakawn 2
Venghlui 1
Venghnuai 1
Zarkawt 4
Zemabawk 3
Zonuam 1
Falkawn 1
Sairang 1
Sairang Dinthar 12
Thingsulthliah 1
Tuirial Airfield 1
MP Khaitan 1
LUNGLEI DISTRICT
Hrangchalkawn 2
Lunglei Electric Veng 36
Lunglei Venglai 2
Lunglei Zotlang 1
Lunglei Zotlang (BSF) 2
Lunglei Chanmari 1
Tlabung 13
SIAHA DISTRICT
Siaha College Vaih 1
College Vaih-II 1
KOLASIB DISTRICT
Vairengte 6
Mualkhang 6
Kolasib Venglai 2
Bairabi 6
Bualpui 2
Thingdawl 2
Golgotha Centre, Vairengte 39
Khàmráng 1
Vairengte screening 6
(Vairengte, Tlabung,
Keifang & UP)
SERCHHIP DISTRICT
Chhingchhip 3
Chhiahtlang 1
Serchhip Leisang Veng 1
Thenzawl 9
SGI company 43
LAWNGTLAI DISTRICT
Kamalanagar 48
Lawngtlai Bethel Veng 1
Rondokpur 1
MAMIT DISTRICT
Mamit Vengthar 1
Assam (Kanhmun) 1
Tripura (Kanhmun) 1
Damdiai 1
SAITUAL DISTRICT
Keifang 4
Mimbung 2
KHAWZAWL DISTRICT
Dulte 2