Civil Hospital lirthei kal chhunzawm

Civil Hospital, Aizawla driver pali leh anmahni enkawltu supervisor pakhatte'n Covid-19 an vei tih hmuh chhuah a nih hnuah tluang takin Civil Hospital lirtheite hmangin hna an thawk chhunzawm thei tih medical superintendant Dr Lalhmuchhuaka chuan a sawi.

May 27, 2021 khan Covil-19 positive-te phur kual ṭhintu Civil Hospital-a lirthei khalhtute chu endik an hnih hnuah Covid-19 positive an ni tih hmuh chhuah a ni a, ZMC lamah inenkawl tura dah an ni. Hetih lai hian, mamawhna hriain mi pasarih chu lirthei khalh turin an inpe (volunteer) a, driver dang awm sate leh inpe tharte nen tluang takin ambulance-te'n hna an thawh an chhunzawm theih thu Vanglaini chuan a dawng.

Driver zinga positive hmuhte'n an hna an thawk chhunzawm anga May 29-a tarlan kha tihsual palh a ni a, a positive-te chu khung hran an ni. Driver dangte pawh sample endik nghal an ni a, hripui an kai lo tih finfiah a nih hnuah inkhung hrang (quarantine) loin hna an chhunzawm nghal a ni.