Thlaktu awm loa doctor sawn duh lo

Serchhip Ṭhalai Pawl (SṬP) chuan thuchhuah siamin, Serchhip District Hospital (JN Hospital)-a thawk pathologist Dr Lalnunhlima thlaktu awm loa sawn chhuahna order chu sût turin Health Minister an ngen.

SṬP chuan, Dr Lalnunhlima chu Serchhip District Hospital-a endoscope khawih thiam awmchhun a nih thu tarlangin, "Ultrasound khawih thei doctor dang an awm loh avangin Serchhipa a awm laiin training neihtir a ni. A thiamnate Serchhip mipuiin kan chhawr tak tak hmain PG a zir leh a, tunah a zir chhuak a, thlaktu tur mumal awm loa Lungleiah sawn a ni leh ta hi kan hrethiam lo hle a ni," an ti.

Health Minister chu Dr Lalnunhlima sawnna order sût leh ngei tura ngenin SṬP chuan, "Sut a nih loh chuan amah thlaktu tur edoscopy leh ultrasound khawih thiam dah turin kan ngen a ni," an ti a; an thil phût tihhlawhtlin a nih hma chuan Lungleiah a hna thar zawm rih lo turin Dr Lalnunhlima an ngen bawk.