COVID-19: Mizoram dinhmun : Hripui vei 99 hmuh belh a ni
May 30, Pathianni khan Mizoramah Covid-19 vei mi 99 hmuh chhuah a ni a, kumin May 9 hnuah ni khata mi 100 aia tlem hmuh chhuah lehna hmasa ber a ni. May thla bikah mi 5,956 hmuh chhuah a ni tawh. Nimin khan hripui laka fihlim tawh mi 129 chhuahtir an ni a, mi pahnih an thi.
Covid-19 vei hmuh tharte chu mipa 44 leh hmeichhia 55 niin, Aizawla veng 28 leh khaw dang 11-a mite an ni a; TrueNAT hmanga hmuh chhuah mi pali leh RAT hmanga hmuh mi 95 an ni. ZMC laboratory-ah swab sample endik a ni lo.
Sorkar thuchhuaha lang chinah, mi 99 zingah naupang kum tling lo mi 24 aia tlem lo awmin, chu'ng zinga 18 chu symptom nei an ni a, kum la tling lo pathum an awm. Kum 60 chung lam mi 10 aia tlem lo awmin, chu'ng zinga pariat chu symptom nei an ni a; a upa ber kum 87 mi chu Pathiannia RAT hmanga Covid-19 positive tih finfiah hnu lawka thi, RT-PCR test result nghak lai a ni.
May thla ni 30 chhungin Mizoramah hripui vei mi 5,956 hmuh chhuah a ni tawh a, chu chu positive hmuh tawh zawng zawng 12,087 aṭangin 49.28% a tling. Mizoramah Covid-19 vei mi 12,087 hmuh chhuah a ni tawh a, mipa 7,285 leh hmeichhia 4,802 an ni. Nimin tlai dar 5:00 thleng khan mi 9,144 (75.65%) chhuahtir an ni tawh a, mi 40 (0.33%) thi tawhin, enkawl mek mi 2,903 (24.12%) an awm.
May 30, Pathianni swab sample endik dan chu - TrueNAT-PCR hmangin district parukah 137 leh RAT hmangin district pakuaah 607 a ni a; a vaiin sample 744 (mipa 363 leh hmeichhia 381) niin, chu'ng aṭanga hripui vei hmuh chhuah 99 chu 13.30% a tling.
District hrang hranga hripui vei hmuh chhuah dan chu, Aizawl district-ah 83, Lawngtlaiah pariat, Kolasib-ah pali, Siahaah pathum leh Lunglei district-ah pakhat a ni. IDSP tarlan danin, mi 99-te chu Mizorama kái chhâwng vek an ni a, an zingah hri kàina hriat loh mi 23 an awm a; Covid-19 symptom nei mi 74 an awm. Covid care centre (CCC)-a duty pahnih leh healthcare worker dang pakhat an tel.
TrueNAT-PCR hmanga hmuh mi palite zingah kàina chin hriat loh pakhat a awm a, pahnih chu symptom nei an ni. An zingah Covid care centre-a duty hmeichhia pakhat a tel. RAT hmanga hmuh mi 95-te chu symptom nei mi 72 leh nei lo mi 23 an ni a, CCC-a duty frontline worker leh healthcare worker pakhat ve ve an tel a ni.
Nimin khan tlai dar 5 thlengin hripui laka fihlim tawh mi 129 chhuahtir an ni a; Aizawl district-ah mi 65, Champhaiah mi 20, Kolasib-ah mi 17, Serchhipah mi 13, Lungleiah mi pariat, Mamitah mi pathum, Khawzawlah mi pahnih leh Lawngtlai district-ah mi pakhat an chhuak.
Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 4,821 hmuh chhuah a ni tawh a, TrueNAT-PCR hmangin 979 leh RAT hmangin 6,286 hmuh chhuah a ni tawh.
May 30, 2021 thlengin Mizoramah swab sample 3,89,751 endik a ni tawh a, chu'ng aṭanga Covid-19 positive hmuh tawh zat 12,087 chu 3.10% a ni. Hripui vei hmuh tawh zinga mi 8,447 chu Mizoram chhunga kái chhâwng an ni a, mi 3,640 chu Mizoram páwn aṭanga an rawn luh hnua hmuh chhuah an ni thung.
COVID-19 VEI HMUH THARTE
Khua/Veng A zat
AIZAWL DISTRICT
Bawngkawn 5
Bethlehem Veng 7
Bethlehem Vengthlang 1
Chaltlang Lily Veng 8
Chanmari West 4
Chawlhhmun 3
Chawnpui 2
Chhinga Veng 1
College Veng 1
Dawrpui Vengthar 4
Dinthar 1
Durtlang Leitan 2
Edenthar Veng 1
Electric Veng 3
ITI Veng 4
Maubawk 3
Mission Vengthlang 1
Ramhlun South 2
Ramhlun Vengthar 2
Ramthar Veng 1
Republic Veng 1
Republic Vengthlang 1
Saron Veng 9
Tuithiang Veng 6
Upper Republic 1
Vaivakawn 1
Venghlui 5
Zotlang 1
Mauchar 1
Sairang 1
LUNGLEI DISTRICT
Lunglei Farm Veng 1
Thingfal 1
SIAHA DISTRICT
Siaha New Colony-II 1
Siahatla-I 1
Council Vaih 1
KOLASIB DISTRICT
Thingdawl Venglai 2
Vairengte 1
LAWNGTLAI DISTRICT
Kamalanagar 6
Lawngtlai Council Veng 1
Udalthana 1