BJP-in duty-te ei tur an pe

BJP, Mizoram Pradesh chuan India rama prime minister Narendra Modi kaihhruai sorkar kum sarih tlin pualin nimin khan Aizawl khawpuia Covid-19 donaa duty-te hnenah ei tur chi hrang hrang an pe.

Mizoram BJP president Vanlalhmuaka chuan, hripui léng kara rim taka thawktu frontline worker-te chu chhuanawm an tih thu sawiin, "Narendra Modi kaihhruai sorkar kum sarih tlin lawmna atan May 31 thleng mi dang tana luan chhuahna hun hman a ni a, India ram pumah hemi pual hian vantlang tana thil ṭha tihna hun hman a ni," a ti.

BJP kaihhruai sorkar kum sarih tlin lawmna atan hian Mizoram BJP-te hian Aizawl Civil Hospital-ah thisen an pe bawk.