Jail tángte himna tur sawiho

Supreme Court thupek anga jail-a tángte Covid-19 laka an himna tura din High Powered Committee chu nimin khan Gauhati High Court judge Justice Michael Zothankhuma hoin an ṭhukhawm.

Ṭhutkhawmah hian May 20, 2021-a an rèl tawhte chu mawhphurtute'n an bawhzui dan thlirho a ni a; thil dang pawimawh eng emaw zat an ngaihtuah bawk.

Jail-a táng laite zingah Covid-19 a darh lohna tura hma lak chhunzawm zel te, Central Jail complex chhunga Women Cell hlui zawk, Covid Care Centre atana cheibàwl ṭhat tawh te, district hrang hranga chief judicial magistrate leh magistrate first class-te'n an hmazawn ṭheuha Covid-19 a darh lohna tura an hmalaknate leh police lamin an hma lak tawh dante thlirho a ni.

Jail-a táng mek zingah Covid-19 vei, damlo na zual bik an awm palh a nih chuan jail táng laite chu venhimna hnuaia dah hran ni se, an

ti bawk.