ASF vangin vawk 4,832 thi tawh

Mizoramah vawk hri African Swine Fever (ASF) lènna hmuna puan (ASF infected area) 99 a awm mek a, chu'ng hmunahte chuan March 21, 2021 hnuah vawk 4,832 a thi tawh.

Animal Husbandry & Veterinary (AH&Vety) department chhinchhiah danin, ASF hi Mizorama khua/veng 99-ah a léng tih finfiah a ni tawh a; chu'ng bakah chuan, khua/veng 35-ah chhan hriat lohin vawk 108 a thi tawh bawk.

Aizawl khawpuia veng 49 chu ASF infected area-ah puan tawh niin, Mizorama ASF infected area tamna ber a ni a, vawk 1,460 a thi tawh. ASF lèn ṭanna leh khaw khata ASF vanga vawk thi tamna ber Lungsen khuaah chuan ASF vangin vawk 756 a thi tawh a ni.