Thlâktu awm loa doctor sawn Champhai NGO-te'n an duh lo

Champhai khawpuia tlawmngai pawl hrang hrang hruaitute nimina YMA Sub-Headquarters pisaa ṭhukhawm chuan, Champhai District Hospital-a doctor pakhat, thlâktu tur awm loa sawn a ni chu an duh loh thu an tarlang.

Champhai NGO-te chuan, "Khawchhak tlangdung mai ni lo, Myanmar rama kan Zo hnahthlak unaute pawhin an chhawr ṭangkai em em Champhai District Hospital-a thawk lai Dr Vanlalhmangaihi Hmar (anaesthesiology), a aiawh tur dah loa Mamita an sawn hi kan hrethiam lo a, sawn a nih dawn pawhin a aiawhtu tur dah turin sorkar kan phût," an ti.

A aiawhtu tur sorkarin a dah hma chuan Dr Vanlalhmangaihi Hmar-in Champhai chhuahsan Champhai NGO-te chuan an remti lo a ni.