Ambulance leh lehkhapuan sem

Aizawl North-II bialtu MLA Dr Vanlalthlana chuan MLA fund aṭanga a lei ambulance leh zirlaibute chu nimin khan a dawngtu turte hnenah a hlân a; AMC Ward-III councillor C Lalchhandami'n a ṭawiawm.

Dr Vanlalthlana chuan ambulance a lei chu May 23, 2021-a a bial chhunga councillor-te leh local task force chairman-te nen an inràwnkhawm ṭuma an mamawh bera an sawi a bawhzuina a nih thu leh, Aizawl North-II biala a ṭul apiangah hman tur a nih thu a sawi.

Dr Vanlalthlana hian ambulance bakah hian, university/college zirlai exam turte tan lehkhapuan ṭhahnem tak a sem nghal bawk.

Aizawl North-II bialtu MLA chuan, a bial chhungah Covid-19 vei mi 110 chuang an awm mek a, veng pathumah CCCC siam a nih tawh thu sawiin, "Covid -19 thawh hnihnaah hian hand sanitiser litre 175, glove box kua, disinfectant litre 225, PPE set 70, wireless set hnih leh buhfai ip 30 sem chhuah a ni tawh," a ti.