Mizoramah Covid-19 vei Mi 312 hmuh chhuah a ni

May 31, Thawhṭanni khan Mizoramah Covid-19 vei mi 312 hmuh chhuah a ni. Nimin khan hripui vei mi pahnih an thi a, hripui laka fihlim tawh mi 101 chhuahtir an ni thung.

Covid-19 vei hmuh tharte chu mipa 134 leh hmeichhia 178 niin, Aizawla veng 33 leh khaw dang 20-a mite an ni a; ZMC laboratory-a hmuh chhuah mi 47, TrueNAT-PCR hmanga hmuh mi pali leh RAT hmanga hmuh chhuah mi 261 an ni.

Sorkar thuchhuaha a lan danin, hripui vei hmuh thar mi 312 zingah naupang kum tling lo 50 aia tlem lo an tel a, chu'ng zinga 20 vel chuan symptom an nei a; nausen kum 1 tling lo pali telin, an zinga pahnihin symptom an nei a, a naupang ber chu thla khat mi a ni. Kum 60 chung lam mi 18 aia tlem lo an tel a, chu'ng zinga 10 chuan symptom an nei a ni.

Mizoramah Covid-19 vei mi 12,399 hmuh chhuah a ni tawh a, mipa 7,419 leh hmeichhia 4,980 an ni. Nimin tlai dar 5:00 thleng khan mi 9,315 (75.13%) chhuahtir an ni tawh a, mi 42 (0.34%) thi tawhin, enkawl mek mi 3,042 (24.53%) an awm.

May 31, Thawhṭannia swab sample endik dan chu - ZMC laboratory-ah 1,489, TrueNAT-PCR hmangin district pasarihah 183 leh RAT hmangin district 11-ah 2,261 a ni a; a vaiin sample 3,933 (mipa 2,062 leh hmeichhia 1,871) niin, chu'ng aṭanga hripui vei hmuh chhuah 312 chu 7.93% a tling.

District hrang hranga hripui vei hmuh chhuah dan chu, Aizawl district-ah mi 197, Lawngtlai district-ah 56, Lungleiah mi 28, Kolasib-ah mi 15, Siahaah pasarih, Serchhip leh Saitualah pathum ve ve, Mamitah pahnih leh Khawzawl district-ah mi pakhat an ni.

IDSP tarlan danin, mi 312 zinga mi 307 chu Mizorama kái chhâwng an ni a, an zingah hri kàina hriat loh mi 76 an awm a; tun hnaia state pawn aṭanga rawn lut/haw mi panga an awm a, Covid-19 symptom nei mi 209 an awm bawk.

ZMC-a hmuh chhuah mi 47 leh Truenat hmanga hmuh chhuah mi palite chu tualchhunga kái vek an ni a, symptom nei an awm lo a; TrueNAT hmanga zinga pahnih chu hri an kàina chin hriat a ni lo. RAT hmanga hmuh chhuah mi 261 zingah tualchhunga kái mi 256 awmin, chu'ng zinga mi 70 chu an kàina chin hriat a ni lo a, symptom nei mi 209 an awm a ni.

Nimin khan tlai dar 5 thlengin hripui laka fihlim tawh mi 101 chhuahtir an ni a; Aizawl district-ah mi 67, Serchhip district-ah 14, Lawngtlai district-ah pakua, Kolasib district-ah paruk, Siaha leh Champhai district-ah pahnih ve ve leh Mamit district-ah mi pakhat an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 4,868 hmuh chhuah a ni tawh a, TrueNAT-PCR hmangin 983 leh RAT hmangin 6,547 hmuh chhuah a ni tawh.

May 31, 2021 thlengin Mizoramah swab sample 3,93,681 endik a ni tawh a, chu'ng aṭanga Covid-19 positive hmuh tawh zat 12,399 chu 3.15% a ni. Hripui vei hmuh tawh zinga mi 8,754 chu Mizoram chhunga kái chhâwng an ni a, mi 3,645 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Khua/Veng A zat
AIZAWL DISTRICT
Armed Veng South 1
Bawngkawn 4
Bethlehem Veng 2
Bethlehem Vengthlang 2
Bungkawn 1
Central Jail 1
Chaltlang Lily Veng 2
Chanmari 2
Chawnpui 2
Chhinga Veng 20
Dawrpui 3
Dawrpui Vengthar 2
Dinthar 8
Electric Veng 7
Falkland Veng 2
ITI Veng 3
Kanan Veng 2
Khatla 1
Lawipu 1
Lungverh 1
Maubawk 1
Muanna Veng 4
Ramhlun North 1
Ramhlun South 4
Ramthar North 1
Republic Veng 3
Saron Veng 45
Tanhril Vengthar 2
Tuikual North 1
Tuithiang Veng 7
Ṭhuampui 3
Vaivakawn 1
Venghlui 2
Tuirial Airfield 7
Sairang Dinthar 42
Sesawng Venglai 2

LUNGLEI DISTRICT
Lunglei Electric Veng 15
Lunglei Venglai 6
Lunglei Chanmari 3
Lunglei Bazar Veng 1
Tlabung 3
Thingsai 1

SIAHA DISTRICT
Siaha College Vaih 4
Siaha New Colony 3

CHAMPHAI DISTRICT
Melbûk 2

KOLASIB DISTRICT
Kolasib 1
Kolasib Vengthar 3
Bilkhawthlir 1
Bualpui 3
Vairengte 6

SERCHHIP DISTRICT
Keiṭum 2
Thenzawl 1

LAWNGTLAI DISTRICT
Chawngte 50
Karlui 2
Lawngtlai-III 1
Lawngtlai-IV 1
College Veng 3

MAMIT DISTRICT
Tripura (Mamit) 2

SAITUAL DISTRICT
Keifang 3

KHAWZAWL DISTRICT
Dulte 1