Ṭul tàwpah chauh thil pek phal

Kolasib district magistrate Dr H Lalthlangliana chuan nimin khan Kolasib district-a sorkar quarantine centre leh Covid care centre (CCC)-a awmte thil pek chungchangah ruahmanna a siam a; thilpek chu a ṭul tàwpah lo chuan phal a nih loh thu a tarlang.

Thil pek dan tur
1. Thil pe turin an thil pek list an siam vek tur a ni.

2. Thil pek turte chu eng nge a ni tih hriat theih turin security hmaah lang theiin an dah tur a ni.

3. Emergency thil a nih loh chuan zanah thil inpek phal a ni lo.

4. Security duty-te'n register an vawng tur a ni a; petu hming, address, phone number, thil peka hming leh thil pekte an chhinchhiah ang.

5. A ṭul chuan security duty-te'n thil pek tur chu a kengtute an phelh darhtir thei ang.

6. Security duty-te'n an ziah luh hnuah medical duty-te'n thil pek, a bikin damdawi leh ei turte chu an enfiah hmasa phawt tur a ni.

7. Medical team-te'n an riahchilh lohna quarantine centre-ah chuan security duty-te'n medical team-te enfiah turin an hriattir ang a, an enfiah hnuah chauh pek ṭhin tur a ni.