Rawmi tender chhanna 3 pawm

Horticulture depart­ment-in Raw-mi (Den­drocalamus Sikki­mensis) ṭiak supply-tu tur a zawnna tender chháng­tute financial bid chu nimin khan endik a ni a, pakhat hnâwlin, pathum pawm a ni.

Tarlan tawh angin, tender hi mi paliin an chháng a, technical bid endikna chu June 1, Thawhlehni khan an paltlang vek a, nimin khan financial bid endik leh a ni. Tender chhángtu pakhatin sample an thehluh chu Raw-mi ni loa hriat a nih avangin hnâwl a ni a, mi pathum chhànna pawm a ni.

Tender chhanna pawm tak pathumte chuan raw-mi ṭiak pakhat Rs. 85 ṭheuhin an chháng a, National Bamboo Mission (NBM) hnuaia Accreditation Board-in an nursery-te an endik hnuah supplier tur thlan a ni ang.

Rawmi supply-na tur tender chhánna pawm­sakte chu - Mizoram Bamboo Producer (Secon­dary Hardening Unit, Growmore Biotech), IMCS Nursery Firm leh Bairabi Bamboo Producer-te a ni.

Raw ṭiak supply tur chu SEDP hnuaiah 15,000 leh NBM hnuaiah 25,000 pek tur a ni a; pakhat Rs. 85-a supply a nih chuan, raw ṭiak 40,000 atan Rs. 34,00,000 sên a ngai dawn a ni.