Mi inphalte'n CCC-a awmte Ei-in tur an ngaihtuah ṭhin

Thenzawla Covid care centre, Integrated Ayush Hospital-a awmte chuan ei leh in man an chawi ngai lo a, mi inphalte thawh khawm aṭangin an ei leh in tur ngaihtuah ṭhin a ni.

Integrated Ayush Hospital-ah hian May 21, 2021 aṭang khan Then­zawla Covid-19 vei hmuh chhuahte dah luh ṭan a ni a, mi 38 dah luh an ni tawh a, an zinga pathum chu SRH-ZMC-ah sawn an ni tawh. Mi 11 chu dam takin an chhuak tawh a, hripui vei mi 23 leh anmahni awmpuitu mi pathum an awm mek.

Covid-19 veite dah luh an nih aṭangin mimal, pawl leh kohhrante'n damlo leh damdawi-ina thawkte tan buhfai, chawhmeh, ei tur chi hrang hrang leh pawisa an thawh khawm ṭhin a, nimin thleng khan pawisa Rs. 90,500 an dawng tawh.

Mi inphalte thawh khawm aṭang hian ei leh in tur bakah damdawi lei ṭhin a ni a, damdawi supply an neih loh, páwn lama lei ṭul tih loh chu damlote'n senso an nei tam lo a ni.