Ram hruaitute'n ṭanpuina pe

Champhai North bialtu MLA Dr ZR Thiamsanga chuan June 2, Nilaini khan Champhai district-a damdawi-in leh task force hrang hrang hnena sem turin oxygen concentrator 11, oxygen cannula 160, portable ventilator pakhat, nitrozine C báwm 18, rapid antigent test kit 200, hmai tuamna 20,000 leh kut tihfaina litre 500 a pe.

Aizawl West-I bialtu MLA Zothan­tluanga chuan nimin khan a bial chhunga Seventh Day Adventist damdawi-in a tlawh a, damlo enkawl mekte leh thawktute tan buhfai ip nga, alu ip hnih, dailuah leh neutrela ip khat ve ve, tél báwm khat, kut tihfaina, kutkawr leh bawlhhlawh fûnna eng emaw zat a pe. Chawnpui LTF hnenah silpauline a pe bawk.

Serchhip bialtu MLA Lalduhoma pawhin a bial chhung Thenzawla Covid care centre ṭanpuina atan nimin khan Rs. 5,000 a hlan bawk a ni.