COVID-19: Mizoram dinhmun : Hripui vei 228 hmuh belh a ni

June 2, Nilaini khan Mizoramah Covid-19 vei mi 228 hmuh chhuah a ni a, nimin khan hripui laka fihlim tawh mi 84 chhuahtir an ni. Hripui vei enkawl lai Nilaini zan leh nimin khan pakhat ve ve an thih belh.

Covid-19 vei hmuh tharte chu mipa 104 leh hmei­chhia 124 niin, Aizawla veng 26 leh khaw dang 18-a mite an ni a; ZMC laboratory-a hmuh chhuah mi 23, TrueNAT hmanga hmuh mi 21 leh RAT hmanga hmuh mi 184 an ni.

Sorkar thuchhuaha a lan danin, hripui vei hmuh thar mi 228 zingah naupang kum tling lo 40 chuang an awm a, chu'ng zinga 26 vel chuan symptom an nei a, a naupang ber chu thla hnih mi a ni. Kum 60 chung lam mi 10 vel awmin, a zatve velin symtom an nei a, a upa ber chu kum 92 mi a ni.

Mizoramah Covid-19 vei mi 12,859 hmuh chhuah a ni tawh a, mipa 7,649 leh hmeichhia 5,210 an ni. Nimin tlai dar 5:00 thleng khan mi 9,578 (74.48%) chhuahtir an ni tawh a, mi 46 (0.36%) thi tawhin, enkawl mek mi 3,235 (25.16%) an awm.

June 2, Nilainia swab sample endik dan chu - ZMC laboratory-ah 1,279, TrueNAT-PCR hmangin district pakuaah 358 leh RAT hmangin district 11-ah 1,630 a ni a; a vaiin sample 3,267 (mipa 1,842 leh hmeichhia 1,424) niin, chu'ng aṭanga hripui vei hmuh chhuah 228 chu 6.97% a tling.

District hrang hranga hripui vei hmuh chhuah dan chu, Aizawl district-ah mi 153, Lungleiah mi 25, Lawngtlaiah 21, Kolasib-ah 17, Siahaah paruk, Mamitah panga leh Champhaiah mi pakhat an ni. IDSP tarlan danin, mi 228 zinga mi 225 chu Mizorama kái chhâwng an ni a, tun hnaia state páwn aṭanga rawn lut/haw mi pathum chiah a tel. Hri kàina chin hriat loh mi 49 an awm a; Covid-19 symptom nei mi 152 an awm bawk.

ZMC-a hmuh chhuah mi 23 chu tualchhunga kai vek niin, an zinga symptom nei pahnih an awm a, SRH-ZMC-a frontline worker volunteer pakhat a tel. TrueNAT hmanga hmuh mi 21 zinga 19 chu tualchhunga kai niin, state páwn aṭanga lut pahnih an awm a, mi paliin symptom an nei. RAT hmanga hmuh mi 184 zinga 183 chu tualchhunga kái niin, kàina chin hriat loh mi 40 an tel a, symptom nei mi 145 an awm a ni.

Nimin khan tlai dar 5 thlengin hripui laka fihlim tawh mi 84 chhuahtir an ni a; Aizawl district aṭangin mi 72, Serchhip district-ah mi paruk leh, Champhai, Lawngtlai leh Saitual district aṭangin mi pahnih ṭheuh an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 4,940 hmuh chhuah a ni tawh a, TrueNAT-PCR hmangin 1,015 leh RAT hmangin 6,903 hmuh chhuah a ni tawh.

June 2, 2021 thlengin Mizoramah swab sample 4,00,698 endik a ni tawh a, chu'ng aṭanga Covid-19 positive hmuh tawh zat 12,859 chu 3.21% a ni. Hripui vei hmuh tawh zinga mi 9,207 chu Mizoram chhunga kái chhâwng an ni a, mi 3,652 chu Mizoram páwn aṭanga an rawn luh hnua hmuh chhuah an ni thung.

AIZAWL DISTRICT
Bawngkawn 5
Bethlehem Veng 7
Chaltlang 1
Chaltlang Lily Veng 2
Chanmari 4
Chhinga Veng 8
Dawrpui 4
Dawrpui Vengthar 4
Dinthar Veng 19
Durtlang Leitan 1
Edenthar Veng 1
Electric Veng 3
ITI Veng 1
Khatla 1
Ramhlun South 1
Ramhlun Vengthar 1
Ramthar Veng 4
Salem Veng 1
Saron Veng 13
Tanhril 1
Tuikhuahtlang 2
Tuikual South 2
Tuithiang Veng 1
Ṭhuampui 1
Vaivakawn 5
Venghlui 10
Kelsih 1
Sairang Dinthar 45
Sihphir 2
Tuirial Airfield 2

LUNGLEI DISTRICT
Lunglei Bazar Veng 1
Lunglei Chanmari 15
Electric Veng 5
Lunglei Venglai 3
Tlabung 1

SIAHA DISTRICT
Siaha New Colony-II 6

CHAMPHAI DISTRICT
Champhai Vengthar 1

KOLASIB DISTRICT
Bairabi 11
Mualkhang 4
Bualpui 2

LAWNGTLAI DISTRICT
Lawngtlai AOC Veng 1
College Veng 1
Chawngte 19
Borapansury 1

MAMIT DISTRICT
Zawlnuam 2
Hriphaw 1
Bajirungpa 1
Luangpawl (4th IR) 1