Lockdown vangin loneitute'n Harsatna lian tham an tâwk lo - Agriculture Director

Agriculture director Rohmingthanga Colney chuan, Covid-19 avanga total lockdown puanin loneituteah harsatna lian tham a thlen an hriat loh thu a sawi.

Vanglaini palai zawhna chhangin Agricul­ture Director chuan, tunlai hi thlai chìn hun lai a nih avangin thlai chi lamah loneitute'n harsatna an tâwk hman deuh tih a sawi a, "Thlai chi zawrhnate kar khatah vawi khat chiahte hawn a nih avangin harsatna an tâwk deuh a, mahse, ngenna kan siam hnuah ni tin an hawng thei a ni. SOP tharah ni khat bâk hawn a rem lo leh a, kan ngen leh mek," a ti.

Rohmingthanga Colney chuan, thingtlang lamah loneitute'n harsat­na an tawh report an dawn loh thu sawiin, "Thlai chi pawh Aizawl aṭangin kan thawn reng. Loneitute chu ni tin feh phalsak tho an ni a, hengte avang hi a ni ang, total lockdown avanga harsatna an tawh report kan dawn loh chhan," a ti a; thlai chi lamah harsatna a awm an hriat loh thu a sawi.