COVID-19 POSITIVE 2 THIH BELH

Covid-19 vei enkawl lai Lalremsiama (44), Sairang Dinthar chu Ningani zanlai dar 12 khan State Referral Hospital-ah a thi. Covid-19 positive a ni tih May 25, 2021-ah hmuh a ni a, May 30-ah SRH-ah dah luh a ni. Zunthlum nei sa a nih thu sorkar thuchhuakin a tarlang.

SRH-ZMC-a hripui vei enkawl lai Anil Kumar Rai (55), CRPF, Lengpui Airport Security, Zemabawk pawh vawiin June 4 chawhma dar 9:55 khan a thi. Amah hi Covid19 positive a ni tih May 5-ah hmuh chhuah a ni a, damdawi-inah dah luh nghal a ni.

Mizoramah Covid19 positive thi 48 an awm ta a ni.