COVID-19: Mizoram dinhmun : Hripui vei 205 hmuh belh a ni

June 3, Ningani khan Mizoramah Covid-19 vei mi 205 hmuh leh a ni a, June thlaah ni thum chhungin mi 665 hmuh chhuah a ni. Nimin khan hripui laka fihlim tawh mi 94 chhuahtir an ni a, mi pahnih an thi thung.

Covid-19 vei hmuh tharte chu mipa 87 leh hmeichhia 118 niin, Aizawla veng 29 leh khaw dang 17-a mite an ni a; ZMC laboratory-a hmuh chhuah mi 61, TrueNAT-PCR hmanga hmuh pariat leh RAT hmanga hmuh mi 136 an ni.

Sorkar thuchhuaha a lan danin, hripui vei hmuh thar mi 205 zingah naupang kum tling lo 50 chuang telin, an zinga 26 vel chuan symptom an nei. Nausen kum khat tling lo panga vel awmin, an zinga pali chuan symptom an nei a ni. Kum 60 chung lam mi 13 aia tlem lo awmin, a zatve velin symtom an nei a, a upa ber kum 92 mi pawhin symptom a nei a ni.

Mizoramah Covid-19 vei mi 13,064 hmuh chhuah a ni tawh a, mipa 7,736 leh hmeichhia 5,328 an ni. Nimin tlai dar 5:00 thleng khan mi 9,696 (74.22%) chhuahtir an ni tawh a, mi 48 (0.37%) thi tawhin, enkawl mek mi 3,320 (25.41%) an awm.

June 3, Ningania swab sample endik dan chu - ZMC laboratory-ah 904, TrueNAT-PCR hmangin district pasarihah 233 leh RAT hmangin district 11-ah 1,841 a ni a; a vaiin sample 2,978 (mipa 1,683 leh hmeichhia 1,295) niin, chu'ng aṭanga hripui vei hmuh chhuah 205 chu 6.88% a tling.

District hrang hranga hripui vei hmuh chhuah dan chu, Aizawl district-ah mi 157, Lungleiah mi 18, Lawngtlaiah 17, Champhaiah paruk, Mamit leh Saitualah pathum ve ve leh Siaha district-ah pakhat a ni. IDSP tarlan danin, mi 205 zinga mi 203 chu Mizorama kái chhâwng an ni a, tun hnaia state páwn aṭanga rawn lut mi pahnih an tel. Hri kàina chin hriat loh mi 68 an awm a; Covid-19 symptom nei mi 110 an awm bawk.

ZMC laboratory-a hmuh mi 61 chu Aizawl district-a hmuh vek niin, tualchhunga kái 60 leh state páwn aṭanga lut pakhat an ni a, kàina hriat loh pakhat symptom nei 11 an awm. Truenat hmanga hmuh mi pariat chu tualchhunga kai vek niin, kàina hriat loh pakhat a awm a, symtom nei an awm lo. RAT hmanga hmuh 136 pawh tualchhunga kai vek niin, kaina hriat loh 53 an awm a, mi 99-in symptom an nei a ni.

Nimin khan tlai dar 5 thlengin hripui laka fihlim tawh mi 94 chhuahtir an ni a; Aizawl district-ah mi 35, Lawngtlai district-ah 19, Lunglei district-ah 16, Serchhip district-ah pakua, Kolasib district-ah pariat, Khawzawl district-ah pali, Mamit district-ah pahnih leh Champhai district-ah mi pakhat an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 5,001 hmuh chhuah a ni tawh a, TrueNAT-PCR hmangin 1,023 leh RAT hmangin 7,039 hmuh chhuah a ni tawh.

June 3, 2021 thlengin Mizoramah swab sample 4,03,676 endik a ni tawh a, chu'ng aṭanga Covid-19 positive hmuh tawh zat 13,064 chu 3.24% a ni. Hripui vei hmuh tawh zinga mi 9,410 chu Mizoram chhunga kái chhâwng an ni a, mi 3,654 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Khua/Veng A zat
AIZAWL DISTRICT
Aizawl Venglai 6
Armed Veng South 3
Bawngkawn 15
Bethlehem Vengthlang 1
Chaltlang Lily Veng 6
Chhinga Veng 8
College Veng 4
Dawrpui 1
Dawrpui Vengthar 3
Dinthar 11
Edenthar Veng 1
Electric Veng 10
Hunthar Veng 3
ITI Veng 1
Kanan Veng 2
Maubawk 1
Mualpui 1
Muanna Veng 3
Ramthar North 3
Ramhlun South 2
Ramhlun Sports Comp. 1
Republic Vengthlang 1
Saron Veng 32
Venghlui 8
Tuithiang Veng 5
Ṭhuampui 4
Zarkawt 8
Zonuam 1
Zotlang 2
Sairang Dawrveng 4
Sairang Dinthar 4
Tuirial Airfield 1

LUNGLEI DISTRICT
Thenhlum 1
Lunglei Chanmari 1
Lunglei Electric Veng 9
Lunglei Venglai 2
Putlungasih 4
Samuksuri 1

SIAHA DISTRICT
Siaha New Colony-II 1

CHAMPHAI DISTRICT
Zokhawthar 6

SERCHHIP DISTRICT
New Serchhip 1

LAWNGTLAI DISTRICT
Boganpara 3
Chawngte 12
(Kamalanagar)
Kamalanagar 1
CRPF camp
Lawngtlai Council Veng 1

MAMIT DISTRICT
Teirei Forest 2
New West Phaileng 1

SAITUAL DISTRICT
Keifang 1
Mimbung 1
Saitual 1