Lungleiah Covid-19 dona hmanrua pe

Medical Oxygen For All (MOFA) leh VISION IAS Academy-te chuan corporate social responsibility kaltlangin Lunglei district-ah Covid-19 dona hmanraw chi hrang hrang an pe. MOFA hian oxygen con­centrator paruk leh VISION IAS Academy-in PPE kit 1,500, N-95 mask 1,500 leh oximeter 100 leh medical equipment dangte an pe a ni.

MOFA leh VISION IAS Academy-te hian hmanruate chu Lunglei DC Kulothungan A hmalaknaa an pek a ni a; Health department hnenah Bawrhsap chuan nimin khan a hlàn. Lunglei district-a CCC, CCCC, CQC leh mamawhna dangahte sem a ni ang.

Vision IAS Academy hian June 3, Ningani khan CSR aṭangin Aizawl DC hnenah Covid-19 dona atan PPE kit 2,000, N95 mask 2,000, surgical mask 2,500 leh pulse oximeter 150 an pe bawk.