MLA-in buhfai leh chini khulsak dawn

Aizawl West-III bialtu MLA VL Zaithanzama chuan nimin khan a inah a bial chhunga AMC ward pahnih - ward-XIV leh ward-XV councillor-te bakah, veng tina local task force chairman-te Covid-19 dona chungchang a sawipui a; a biala AAY leh PHH-te chu June thla ration khulsak vek an ni dawn tih a sawi.

VL Zaithanzama chuan, MLA fund chu mipui sum a nih angin mipui tan a daihzâi thei ang bera hman zel a ni dawn tih sawiin, "Hripui léng thawh hnihnaah MLA fund cheng nuai 5 chuang kan sem tawh a, tunah hian cheng nuai 12 vel sênna tur ruahman leh mek a ni. Sumte hi veng tinin an mamawh ang zelin pek chhuah a ni dawn a, bial chhunga AAY leh PHH-te chu June thla ration buhfai leh chini khulhsak vek an ni ang," a ti.