COVID-19 VEI THIH BELH LEH

Covid-19 vei enkawl lai B Lallawmzuali (27) w/o Lalhriatrenga, Darlawn Venghlun (present address - Ramhlun South) chu zanin (June 4) dar 9:30 khan SRH-ZMC-ah a thi a, naktukah Ramhlun South-ah vui a ni ang.

Thu dawn danin, B. Lallawmzuali hi Covid19 positive a ni tih May 19, 2021-ah hriat chhuah a ni a, a tuk May 20-ah SRH-ZMC-ah dah luh a ni.

Hripui a vei tih hmuh chhuah a ni lai hian nau hrám tawh tak pâi a ni a, May 22 khan a nau pâi chu tha takin zai chhuah a ni. May 30-ah ICU-ah ventilator hmanga enkawl tan a ni a, naute dinhmun a that thu sorkar thuchhuakin a tarlang.

Sorkar record angin Mizoramah Covid-19 vanga thi mi 50 an awm ta a; June 4 bikah mi 4 an thi a, tun thla (June)-ah mi 10 an thi tawh a ni.