Heroin cheng nuai 29 hù man

Central YMA hnuaia Vigilance Sub-Committee leh Mizoram Police ṭangkawp chuan June 5, Inrinni khan heroin gram 654 (hawng 54) an man a, a neitute an man tel bawk. Heroin man hi cheng nuai 29.7 hû a ni.

YMA leh police-te hian Champhai aṭanga phurh thlak heroin, Aizawla hralh tura tih chu Zokhawsanga, Assam Rifle hmun pan chhohna kawngah an man a; a neitua rinhlelh C Mawii (40) d/o Lalvunga, Tuirial nia insawi pawh manin, thubuai an siamsak.

YMA Vigilance Sub-Committee tarlan danin, C Mawii hi ṭum eng emaw zat ruihhlo kaihhnawihah man tawh a ni.