COVID-19: Mizoram dinhmun : June-ah hripui vei 1,167 hmu

June 4, 2021 khan Mizoramah Covid-19 vei mi 236 hmuh chhuah a ni a, June 5, Inrinni khan mi 266 hmuh chhuah a ni bawk a, June thla ni nga chhungin hripui vei mi 1,167 hmuh a ni tawh. Inrinni leh nimin khan hripui laka fihlim tawh mi 124 chhuahtir an ni a, mi pahnih an thi thung.

Covid-19 vei June 4-a hmuhte chu ZMC laboratory-a hmuh chhuah mi 54, TrueNAT-PCR hmanga hmuh mi pariat leh RAT hmanga hmuh mi 174 an ni a; June 5-a hmuh chhuahte chu ZMC-a hmuh mi 101, TrueNAT hmanga hmuh mi 35 leh RAT hmanga hmuh mi 131 an ni. Ni hnih chhunga hmuhte hi Aizawla veng 49 leh khaw dang 36-a mite an ni.

June 2021 thla ni nga chhungin Mizoramah hripui vei mi 1,167 hmuh chhuah a ni tawh a, June thlaah hian ni tin mi 200 aia tam hmuh chhuah an la awm ziah a ni. Zirtawpni leh Inrinnia hmuh chhuah zingah Central Jail-a awm mek mi 46 an tel.

Mizoramah Covid-19 vei mi 13,566 hmuh chhuah a ni tawh a, mipa 7,994 leh hmeichhia 5,572 an ni. Nimin tlai dar 5:00 thleng khan mi 10,275 (75.74%) chhuahtir an ni tawh a, mi 53 (0.39%) thi tawhin, enkawl mek mi 3,238 (23.87%) an awm.

June 4, Zirtawpni khan ZMC laboratory-ah swab sample 1,186, TrueNAT-PCR hmangin district pariatah 211 leh RAT hmangin district 11-ah 1,909, a vaiin sample 3,306 (mipa 1,895 leh hmeichhia 1,411) endik niin, chu'ng aṭanga hripui vei hmuh chhuah 236 chu 7.13% a tling.

Zirtawpnia hripui vei hmuh chhuah dan chu - Aizawl district-ah mi 179, Lunglei district-ah 20, Kolasib district-ah 11, Serchhip leh Lawngtlai district-ah pakua ve ve, Siaha district-ah pali, Saitual district-ah pahnih, Mamit leh Khawzawl district-ah pakhat ve ve a ni.

IDSP tarlan danin, mi 236 zinga mi 248 chu Mizorama kái chhâwng an ni a, tun hnaia state páwn aṭanga rawn lut mi pariat an tel. Hri kàina chin hriat loh mi 82 an awm a; Covid-19 symptom nei mi 138 an awm bawk.
Mi 236 zingah naupang kum tling lo 56 aia tlem lo awmin, a tam zawkin symptom an nei a; nausen kum khat tling lo mi pathum an tel. Kum 60 chung lam mi 13 aia tlem lo awmin, a tam zawkin symptom an nei a, a upa ber chu kum 85 a ni.

ZMC-a hmuh chhuah mi 54-te chu symptom nei lo vek an ni a, tualchhunga kái 50 leh state páwn aṭanga lut pali an ni. TrueNAT hmanga hmuh mi pariat pawh tualchhunga kái vek leh symptom lo vek an ni a; RAT hmanga hmuh mi 174 zingah symptom nei mi 138 an awm.

June 5, Inrinnia swab sample endik dan chu - ZMC-ah 901, TrueNAT hmangin district pakuaah 449 leh RAT hmangin district 11-ah 1,536, a vaiin sample 2,886 (mipa 1,640 leh hmeichhia 1,246) an ni a, chu'ng aṭanga hripui vei hmuh chhuah 266 chu 9.25% a tling.

Inrinnia district tinah hripui vei hmuh chhuah dan chu - Aizawl district-ah mi 202, Kolasib-ah 29, Lungleiah 16, Champhaiah paruk, Lawngtlaiah panga, Siahaah pathum leh, Serchhip, Mamit leh Saitualah pahnih ṭheuh a ni.

IDSP tarlan danin, mi 266 zinga mi 263 chu Mizorama kái chhâwng an ni a, tun hnaia state páwn aṭanga rawn lut mi pathum chiah an awm. Hri kàina chin hriat loh mi 90 an awm a; Covid-19 symptom nei mi 174 an awm bawk.

Mi 266 zingah naupang kum tling lo 50 chuang awmin, a zatve aia tlemin symptom an nei a; nausen kum khat tling lo pathum telin, a naupang ber chu thla 2 mi a ni. Kum 60 chung lam mi 15 aia tlem lo an awm a, a upa ber chu kum 93 a ni.

Mi 266 zinga ZMC-a hmuh chhuah mi 101-te chu tualchhunga káite niin, an zingah symptom nei paruk an awm. TrueNAT hmanga hmuh mi 35 zingah symptom nei pasarih an awm a, an zinga pakhat chu state pawn aṭanga rawn lut a ni. RAT hmanga hmuh mi 131 zingah symptom nei 81 an awm a, stgate pawn aṭanga lut pakhat a awm bawk.

Nimin khan tlai dar 5 thlengin hripui laka fihlim tawh mi 124 chhuahtir an ni a; Inrinni khan mi 335 chhuahtir an ni bawk a, chhuahtir an tam ber ní a ni. Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 5,156 hmuh chhuah a ni tawh a, TrueNAT-PCR hmangin 1,065 leh RAT hmangin 7,344 hmuh chhuah a ni tawh.

June 3, 2021 thlengin Mizoramah swab sample 4,09,868 endik a ni tawh a, chu'ng aṭanga Covid-19 positive hmuh tawh zat 13,566 chu 3.31% a ni. Hripui vei hmuh tawh zinga mi 9,901 chu Mizoram chhunga kái chhâwng an ni a, mi 3,665 chu Mizoram páwn aṭanga an rawn luh hnua hmuh chhuah an ni thung.

JUNE 4&5-A HMUH THARTE
AIZAWL DISTRICT
Aizawl Venglai 6
Armed Veng 4
Armed Veng South 1
Bawngkawn 16
Bethlehem Veng 7
Bethlehem Vengthlang 3
Bungkawn 4
Central Jail 46
Chaltlang 3
Chanmari 1
Chanmari West 3
Chawnpui 2
Chhinga Veng 9
College Veng 2
Dawrpui 9
Dawrpui Vengthar 1
Dinthar 13
Edenthar Veng 7
Electric Veng 11
Hunthar Veng 11
ITI Veng 5
Kanan Veng 18
Khatla 1
Khatla East 1
Luangmual 5
Lungverh 4
Maubawk 2
Muanna Veng 6
Phunchawng 9
Ramhlun North 1
Ramhlun South 16
Ramhlun Vengthar 1
Ramthar North 3
Ramthar Veng 7
Republic Veng 1
Rangvamual 8
Republic Vengthlang 2
Saikhamakawn 1
Salem Veng 1
Saron Veng 28
Tanhril 16
Tuikhuahtlang 1
Tuithiang 5
Vaivakawn 2
Venghlui 9
Zarkawt 9
Zokhawsang 1
Zotlang 1
Zuangtui 3
Sairang 16
Buichali (BRTF) 24
Selesih 1
Sihphir 1
Seling Venglai 5
Tuirial Airfield 1
Thingsulthliah 1
Sairang Dinthar 3
Sairang Dinthar 2
(Chengkawl lui camp)

LUNGLEI DISTRICT
Lunglei Chanmari 5
Lunglei Electric Veng 16
Lunglei Farm Veng 1
Lunglei Venglai 1
Zobawk 1
Lunglei (131 BSF) 1
Melte ram 1
Tlabung 5
Silchar 3

SIAHA DISTRICT
Tipa Vaihpi-III 1
Siaha New Colony-II 2
New Siaha West 1
College Vaih-I 2
Council Vaih 1

CHAMPHAI DISTRICT
Zokhawthar 5
Champhai Zotlang 1

KOLASIB DISTRICT
Bairabi 10
Bualpui 10
Kolasib Vengthar 1
Kolasib Venglai East 4
Kolasib Project Veng 1
Kolasib Venghlun 1
Mualkhang 9
Rengtekawn 1
Thingdawl 2
Vairengte 2

SERCHHIP DISTRICT
Thenzawl 5
Chhingchhip 6
SGI Company 1

LAWNGTLAI DISTRICT
Chawngte 10
(Kamalanagar)
Boganpara 2
Lawngtlai Bazar Veng 2

MAMIT DISTRICT
Thaidawr 1
Teirei Forest 1
Phuldungsei 1

SAITUAL DISTRICT
Keifang 2
Mimbung 2

KHAWZAWL DISTRICT
Dulte 1