ASF vangin vawk 5,235 thi tawh

Mizoramah vawk hri, African Swine Fever (ASF) lênnaa puan, infected area 100 a awm tawh a, chu'ng hmunah chuan ASF vangin nimin thleng khan vawk 5,235 a thi tawh.

Animal Husbandry & Veterinary (AH&Vety) department chhinchhiah danin, Mizorama district pakuaa khua/veng 100-ah ASF a léng tawh a, chu'ng hmunahte chuan vawk 39,300 vulh anga chhinchhiah a ni. Vawk vulh zinga zinga 5,235 chu ASF vangin a thi tawh a, dam lai 3,4065 a la awm.

ASF infected area páwn lamah chhan hriat lohin khua/veng 40-ah nimin thleng khan vawk 189 a thi tawh bawk. Aizawl khawpuia veng 83 zinga veng 50 chu ASF infected area-ah puan tawh a ni.