Tlabung CCC-ah chaw ei man an chawi ṭan

Tlabung leh a chheh­vela Covid-19 vei, Tlabung Covid Care Centre (CCC)-a awm zinga below poverty line (BPL) chhung­kuaa mi ni lote chuan June 4, 2021 aṭang khan chaw ei man an cháwi.

Tlabung aṭanga thu dawn danin, Tlabung CCC-a awmte'n chaw ei man an chawi chu ni khatah Rs. 200 niin, tukṭhuan leh zanriah ei man Rs. 100 ve ve a ni a, puitling leh naupangin an chawi zat a inang.

Tlabunga Health department hotute chuan, CCC-a chaw ei man chawi hian June 4, 2021 leh a hnu lama CCC-a awm ṭante a huam dawn tih an sawi a; chutih rualin, June 4 hma lama awm tawh, June 4 hnua awm zui zelte erawh chu a huam dawn lo a, chaw man an pek a ngai dawn lo tih an sawi a ni.

Chaw ei man chung­changa ruahmanna thar chu hmunpui lama thunei­­tute'n thutlukna an siam tawh bawhzuina a nih thu, Tlabunga Health deptt. hotute chuan an sawi bawk.