COVID-19: Mizoram dinhmun : Hripui vei 113 hmuh belh a ni

June 6, Pathianni khan Mizoramah Covid-19 vei mi 113 hmuh chhuah belh a ni a, nimin khan hripui laka fihlîm tawh mi 118 chhuahtir an ni. Pathianni zan leh nimin khan hripui vangin mi pakhat ve ve an thi thung.

Covid-19 vei hmuh tharte chu mipa 53 leh hmeichhia 60 niin, Aizawla veng 25 leh khaw dang pariata mite an ni a; TrueNAT-PCR hmanga hmuh chhuah mi 19 leh RAT hmanga hmuh chhuah mi 94 an ni. ZMC laboratory-ah swab sample endik a ni lo. June thla ni ruk chhungin Mizoramah hripui vei mi 1,280 hmuh chhuah a ni tawh.

Mi 113 zingah naupang kum tling lo 30 chuang awmin, a zatve aia tamin symptom an nei a; nausén kum khat tling lo pathum telin, a naupang ber chu thla hnih leh a chanve mi a ni. Kum 60 chung lam mi pakua aia tlem lo telin, a zatve velin symptom an nei a, a upa ber chu kum 78 mi a ni.

Mizoramah Covid-19 vei mi 13,679 hmuh chhuah a ni tawh a, mipa 8,047 leh hmeichhia 5,632 an ni. Nimin tlai dar 5:00 thleng khan mi 10,463 (76.49%) chhuahtir an ni tawh a, mi 55 (0.40%) thi tawhin, enkawl mek mi 3,161 (23.11%) an awm.

June 6, Pathiannia swab sample endik dan chu - TrueNAT-PCR hmangin district parukah 213 leh RAT hmangin district pakuaah 533, a vaiin sample 746 (mipa 475 leh hmeichhia 271) an ni a, chu'ng aṭanga hripui vei hmuh chhuah 113 chu 15.14% a tling.

Pathiannia district tina hripui vei hmuh chhuah dan chu - Aizawl district-ah mi 75, Lawngtlaiah 17, Lungleiah pakua, Kolasib-ah paruk, Saitualah pali leh Mamit leh Khawzawlah pakhat ve ve a ni.
IDSP tarlan danin, mi 113-te chu Mizorama kái chhâwng vek an ni a, tun hnaia state páwn aṭanga rawn lut an awm lo. Hri kàina chin hriat loh mi 50 an awm a; Covid-19 symptom nei mi 58 an awm bawk.

TrueNAT hmanga hmuh chhuah mi 19 chu tualchhunga kái leh symptom nei lo vek an ni a, kàina chin hriat loh paruk an awm. RAT hmanga hmuh mi 94-te pawh tualchhunga kái vek niin, kàina hriat loh 44 an awm a, mi 58-in symptom an nei a ni.

Nimin khan tlai dar 5 thlengin hripui laka fihlim tawh mi 118 chhuahtir an ni a; Aizawl district-ah mi 22, Lawngtlai district-ah 36, Serchhip district-ah 20, Kolasib district-ah 19, Lunglei district-ah 13, Saitual leh Khawzawl district-ah pathum ve ve leh, Mamit district-ah mi pahnih an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 5,156 hmuh chhuah a ni tawh a, TrueNAT-PCR hmangin 1,084 leh RAT hmangin 7,438 hmuh chhuah a ni tawh.

June 6, 2021 thlengin Mizoramah swab sample 4,10,614 endik a ni tawh a, chu'ng aṭanga Covid-19 positive hmuh tawh zat 13,679 chu 3.33% a ni. Hripui vei hmuh tawh zinga mi 10,014 chu Mizoram chhunga kái chhâwng an ni a, mi 3,665 chu Mizoram páwn aṭanga an rawn luh hnua hmuh chhuah an ni thung.

AIZAWL DISTRICT
Aizawl Venglai 2
Armed Veng 4
Armed Veng South 1
Bawngkawn 11
Bethlehem Vengthlang 1
Chanmari 5
Chawnpui 6
Chhinga Veng 2
Dawrpui 2
Dinthar 1
Electric Veng 4
ITI Veng 2
Melthum 1
Ramhlun South 5
Ramhlun Vengthar 1
Ramrikawn 2
Ramthar Veng 1
Republic Vengthlang 1
Salem Veng 1
Saron Veng 9
Tuikhuahtlang 1
Tuithiang Veng 1
Tuikual South 4
Vaivakawn 2
Zarkawt 4
Sihphir 1

LUNGLEI DISTRICT
Lunglei Chanmari 1
Lunglei Electric Veng 2
Lunglei Venglai 2
Tlabung Chanmari 4

KOLASIB DISTRICT
Vairengte 6

LAWNGTLAI DISTRICT
Chawngte (Kamalanagar) 17

MAMIT DISTRICT
West Phaileng 1

SAITUAL DISTRICT
Mimbung 4

KHAWZAWL DISTRICT
Kawlkulh 1