COVID-19 vanga thi awm belh

Covid-19 vei enkawl lai Renghnuni (54) w/o Rozidinga, ITI Veng, Aizawl chu vawiin June 8 chawhnu dar 1 khan SRH-ZMC-ah a thi a, sorkar record angin Mizorama hripui vanga thi 57-na a ni.

Thu dawn danin, Renghnuni hi natna dang nei sa a ni a, June 1-ah Covid-19 positive a ni tih hmuh chhuah niin, SRH-ZMC-ah dah luh nghal a ni. A pasal pawh hi hripui vei a nih avangin CCC-ah enkawl mek a ni a, an chhungte dang pawh inkhung hrang mek an ni bawk.