Oxygen plant bun turin hma la

Mizoram sorkar chuan Mizo­ram hmun hrang hrangah oxygen siam chhuahna (plant) bun turin hma a la mek. Hetih lai hian, tun hnaiah Zoram Medical College (ZMC)-ah 300 LPM Oxygen Generating Plant bun a ni a, hman mek a ni.

Health department hotute hnen aṭanga thu dawn danin, Prime Minister Cares leh NESIDS hnuaiah oxygen plant bun tura hmalak mek a ni a; hmun pakuaah oxygen plant 10 bun tura hmalak niin, ṭhenkhatah chuan hmalakna kalpui ṭan a ni tawh.

Hetih lai hian, ZMC chuan thla khat chhung (May) a thlàwnin FK Oxygen aṭangin oxygen an dawng a; FK Oxygen neitute chungah Health department hotute chuan an lawm thu an sawi a ni.

Oxygen plant atana hmalakna
1) ZMC-ah 300 LPM leh 1,000 LPM oxygen generating plant bun turin hmalak mêk a ni. 300 LPM bunna tur tihfel thawkhat a ni tawh a, 1,000 LPM chu a dahna hmun tur peih a nih veleh hmalak ṭan theih beisei a ni.
2) Siaha leh Champhai-ah oxygen generating plant dang pakhat ve ve buaipui mek a ni a, CPWD-in electrification leh thil dang an buaipui mek.
3) Aizawl Civil Hospital-ah 500 LPM oxygen generating plant dahna turin hmalak mek a ni.
4) Kolasib leh Mamit-ah 80 LPM oxygen generating plant bun turin hmalak mek a ni.
5) Serchhip leh Lawngtlai-ah 200 LPM oxygen generating plant atan hmalak mek a ni.
6) Lungleiah 200 LPM oxygen generating plant neih mek bakah, oxygen generating & refilling plant atan hmalak a ni.