MLA pahnihin SRH-ZMC an tlawh

MLA pahnih - Covid-19 Medical Operational Team chairman Dr ZR Thiamsanga leh bialtu MLA leh ZMC Governing Council member Prof. F Lalnunmawia-te chuan nimin khan Zoram Medical College (ZMC)-a bawlhhlawh paihna an tlawh a, ZMC bawlhhlawh chu tihthianghlim hnuah mumal zawka paih tum a nih thu an sawi.

MNF party tarlan danin, ZMC-in bawlhhlawh sâwngbàwlna an neih ṭhat tâwk loh avangin bawlhhlawh an paihna chu tun hnaiah sawiselna a awm avangin MLA-te hian an enfiah a; ZMC doctor-te chuan, bawlhhlawh paih dan leh paihna hmunah hlauhthawnawm a awm loh thu an lo hrilh. Muallungthu rama ZMC plastic waste sâwngbâwlna hmun siam chu hman theiha peih thuai beisei a nih thu an sawi bawk.

ZMC hotute chuan, bawlhhlawh hàlna hmun panna kawng chhia chu thawm ṭhat a ṭul thu an lo thlen a; Prof. F Lalnunmawia chuan, "Bial chhung thil a nih bakah, Zoram pum tana pawimawh a nih avangin CM hnenah ka thlen tawh a, CM pawhin a ṭul anga hma min lâkpui thuai a tum a ni," tiin a chháng.