UN SDG-ah Mizoramin a tiṭha

United Nations Sustainable Development Goals (SDG) tiṭha teh­naah India rama state leh union territory (UT) zingah Mizoram chu pasarihna a ni a, hmarchhak state bikah pahnihna a ni. Ranking tharah Mizoramin 100 zelah 68 a hmu a, national average aiin a sang zawk.

Planning & Programme Implementation depart­ment-in nimina a tarlan danin, NITI Aayog-in ram chhung state leh UT-te'n SDG tihhlawhtlinna kawnga hma an lakna leh hmasawnna a zir chianna, SDGs India Index 3.0 (2020-21) a tichhuak a; goal 17 aṭangin goal 15 hmangin state/ UT-te dinhmun zirchian a ni.

Planning chuan, "Teh­na (indicator) eng emaw zat hmangin index scoring 100 aṭang zela goal tina an score zat chhût chhuah a ni a, Mizoramin nasa takin hma a sawn. India ram pumpui state zawng zawng zingah dinhmun pasarihna a hauh," a ti.

Ranking thar berah hian Mizoram chuan 100 zelah 68 a hmu a, national average aiin a sang zawk. Kum 2019-20 (Index 2.0) report aiin Mizoramin 12%-in a ti ṭha zawk a, hmarchhak state zingah pahnihna a ni.

SDG hi India ram pumah Kerala state-in a ti ṭha ber a, hmarchhak state zingah Sikkim-in a ti ṭha ber thung. Assam, Jharkhand leh Bihar-te chu a tichhe ber state an ni.