COVID-19: Mizoram dinhmun : Hripui vei 201 hmuh belh a ni

June 8, Thawhlehni khan Mizoramah Covid-19 vei mi 201 hmuh chhuah a ni a, June thla chhungin mi 1,798 hmuh chhuah a ni tawh. Nimin khan tlai dar 5 thlengin hripui laka fihlim tawh mi 97 chhuahtir an ni a, mi pakhat a thi thung.

Covid-19 vei hmuh tharte chu mipa 87 leh hmeichhia 114 niin, Aizawla veng 23 leh khaw dang 14-a mite an ni a; ZMC laboratory-a hmuh chhuah mi 33, TrueNAT hmanga hmuh pasarih leh RAT hmanga hmuh mi 161 an ni.

Hripui vei hmuh chhuah mi 201 zingah naupang kum tling lo 50 chuang awmin, a tam zawkin symptom an nei a, nausen kum khat tling lo pakhat a tel. Kum 60 chung lam mi 13 aia tlem lo an awm a, a tam zawkin symptom an nei a, a upa ber kum 88 mi pawhin symptom a nei.

Mizoramah Covid-19 vei mi 14,194 hmuh chhuah a ni tawh a, mipa 8,283 leh hmeichhia 5,911 an ni. Nimin tlai dar 5:00 thleng khan mi 10,866 (76.55%) chhuahtir an ni tawh a, mi 58 (0.41%) thi tawhin, enkawl mek mi 3,270 (23.04%) an awm.

June 8, Thawhlehnia swab sample endik dan chu - ZMC laboratory-ah 625, TrueNAT-PCR hmangin district pakuaah 171 leh RAT hmangin district 10-ah 2,418 a ni a, a vaiin sample 3,214 (mipa 1,822 leh hmeichhia 1,392) niin, chu'ng aṭanga hripui vei hmuh chhuah 201 chu 6.25% a tling. Positive percentage hi mipaah 4.77 leh hmeichhiaah 8.19 a ni.

Thawhlehnia district tinah hripui vei hmuh chhuah dan chu - Aizawl district-ah mi 156, Lungleiah 24, Kolasib-ah 11, Saitualah pali, Siahaah pathum, Serchhipah pahnih leh Mamit district-ah pakhat a ni. IDSP tarlan danin, mi 201 zinga 197 chu Mizorama kái chhâwng an ni a, tun hnaia state páwn aṭanga rawn mi pali an awm. Hri kàina chin hriat loh mi 46 an awm a; Covid-19 symptom nei mi 142 (70.65%) an awm bawk.

ZMC laboratory-a hmuh chhuah mi 33-te chu tualchhunga kái, an kàina chin hriat vek a ni a, symptom nei 26 leh nei lo pasarih an ni. TrueNAT hmanga hmuh mi pasarih pawh tualchhunga kai vek niin, kaina chin hriat loh panga an awm a, an zingah Lungleia healthcare worker hmeichhia pakhat a tel.

RAT hmanga hmuh mi 161-te chu symptom nei 117 leh nei lo 44 an ni a, tualchhunga kái 157 awmin, chu'ng zinga 41 chu kàina chin hriat loh an ni. Nimin khan tlai dar 5 thlengin hripui laka fihlim tawh mi 97 chhuahtir an ni a; Aizawl district aṭangin mi 51 Lunglei district aṭangin 28, Lawngtlai district aṭangin 13 leh Kolasib district aṭangin mi panga an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 5,314 hmuh chhuah a ni tawh a, TrueNAT-PCR hmangin 1,112 leh RAT hmangin 7,767 hmuh chhuah a ni tawh.

June 8, 2021 thlengin Mizoramah swab sample 4,17,798 a ni tawh a, chu'ng aṭanga Covid-19 positive hmuh tawh zat 14,194 chu 3.40% a ni. Hripui vei hmuh tawh zinga mi 10,521 chu Mizoram chhunga kái chhâwng an ni a, mi 3,673 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Khua/Veng A zat
AIZAWL DISTRICT
Armed Veng 9
Armed Veng South 1
Bawngkawn 18
Bethlehem Veng 5
Chaltlang 1
Chanmari 1
Chhinga Veng 9
Dawrpui 1
Dawrpui Vengthar 1
Dinthar 15
Durtlang Leitan 1
Electric Veng 14
Falkland Veng 1
ITI Veng 5
Kanan Veng 10
Maubawk 3
Ramhlun South 2
Ramthar Veng 1
Saron Veng 14
Tuithiang Veng 15
Ṭhuampui 3
Zarkawt 2
Zuangtui 3
Sairang 1
Sairang Dinthar 17
Seling Venglai 1
Tuirial 1

LUNGLEI DISTRICT
Lunglei Chanmari 8
Lunglei Electric Veng 2
Lunglei Ramthar Veng 2
Lunglei Venglai 4
Tlabung 8

SIAHA DISTRICT
Siaha New Colony-II 2
Siaha New Colony-I 1

KOLASIB DISTRICT
Bilkhawthlir 3
Khàmráng 3
Kolasib Diakkawn 2
Rengtekawn 1
Vairengte 3

SERCHHIP DISTRICT
Chhingchhip 1
Thenzawl 1

MAMIT DISTRICT
Bajirungpa 1

SAITUAL DISTRICT
Mimbung 4