Loneitute tan CAU an luang chhuak

India hmarchhaka Central Agricultural University (CAU)-te chuan nimin khan Covid-19 léng avanga loneitute harsatna phuhrûk nan state pasariha loneitute tan luan chhuahna hun an hmang a, AH&Vety minister Dr K Beichhua'n video conferencing kaltlangin a hmanpui.

Dr K Beichhua chuan, hmarchhak state-te chu India ram hmun dang rualin hmasawnna kawng­ah ke a pên thei lo tih sawiin, "Hei vang hian kut hnathawktute huapzo agriculture programme kalpui a ngai a ni," a ti.

Hmarchhak state-a CAU-te hian community empowerment prog­ramme an buatsaih kal­tlangin thawktu zawng zawngin an ni khat hlawh an thawh khawm a, state pasariha loneitute tan thlai chi, ran chaw leh mamawh dangte an sem a ni.

College of Veterinary & Animal Husbandry, Selesih pawhin prog­ramme pual hian Chief Minister Relief Fund-ah Rs 3,50,000 an thawh a, loneitute hnenah Rs 1,70,000 hû ar note 2,000, ar chaw leh leiṭha an sem bawk.