Mizoramah Covid-19 vei Hmuh tam ber ni a thleng

June 9, Nilaini khan Covid-10 vei mi 346 hmuh chhuah a ni a, Mizorama hmuh tam ber ní a ni. June thla chhungin mi 2,146 hmuh chhuah a ni tawh. Nimin khan hripui vangin mi pathum an thi a, hripui laka fihlim tawh mi 150 chhuahtir an ni thung.

Covid-19 vei hmuh tharte chu mipa 153 leh hmeichhia 193 niin, Aizawla veng 37 leh khaw dang 21-a mite an ni a; ZMC laboratory-a hmuh chhuah 105, TrueNAT-PCR hmanga hmuh pakua leh RAT hmanga hmuh 232 an ni. Kumin June thla ni kua chhungin hripui vei mi 2,146 hmuh chhuah a ni tawh a, chawhrualin ni tin mi 238.44 hmuh belh an awm ziah ang a ni.

Nilainia hmuh thar 346 zingah naupang kum tling lo 90 chuang an awm a, a tam zawkin symp­tom an nei. Nausen kum khat tling lo paruk telin, symptom nei pahnih an awm a; a naupang ber chu thla 1½ mi an ni. Kum 60 chung lam 19 aia tlem lo awmin, a zatve velin symptom an nei a, a upa ber chu kum 93 a ni.

Mizoramah Covid-19 vei mi 14,533 hmuh chhuah a ni tawh a, mipa 8,535 leh hmeichhia 5,998 an ni. Nimin tlai dar 5:00 thleng khan mi 11,041 (75.97%) chhuahtir an ni tawh a, mi 61 (0.42%) thi tawhin, enkawl mek mi 3,431 (23.61%) an awm.

June 9, Nilainia swab sample endik dan chu - ZMC laboratory-ah 890, TrueNAT-PCR hmangin district 10-ah 322 leh RAT hmangin district 11-ah 2,126 a ni a, a vaiin sample 3,337 (mipa 1,669 leh hmeichhia 1,668) niin, chu'ng aṭanga hripui vei hmuh chhuah 346 chu 10.39% a tling. Positive percentage hi mipaah 9.17 leh hmeichhiaah 11.57 a ni.

Nilainia district-a Covid-19 positive hmuh dan chu - Aizawlah mi 246, Kolasib-ah 50, Lawngtlaiah 31, Lungleiah 12, Saitualah panga leh Siaha leh Khawzawl district-ah pakhat ve ve a ni. IDSP tarlan danin, mi 346-te chu Covid-19 symptom nei 188 leh nei lo 158 an ni. Mi 341 chu Mizorama kái chhâwng an ni a, tun hnaia state páwn aṭanga rawn mi panga an awm. Hri kàina chin hriat loh mi 151 an awm bawk.

ZMC-a hmuh chhuah 105-te chu symptomatic 32, asymptomatic 63 leh hriat chian loh 10 an ni a; tualchhunga kái 102 awmin, pathum chu state páwn aṭanga tun hnaia rawn lutu an ni. TrueNAT hmanga hmuh pakuate chu tualchhunga kai vek niin, kàina hriat loh pasarih an awm a, symptom nei an awm lo. RAT hmanga hmuh 232-te chu symptomatic 156, asymptomatic 67 leh hriat loh 10 an ni a; tualchhunga kai 231 leh state pawn aṭanga lut pakhat niin, kaina hriat loh 146 an awm.

Nimin khan tlai dar 5 thlengin hripui laka fihlim tawh mi 150 chhuahtir an ni a; Aizawl district-ah mi 66, Lawngtlai district-ah 55, Kolasib district-ah 13, Lunglei district-ah pakua, Siaha district-ah pali, leh Saitual district-ah mi pathum an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 5,419 hmuh chhuah a ni tawh a, TrueNAT-PCR hmangin 1,121 leh RAT hmangin 7,992 hmuh chhuah a ni tawh.

June 9, 2021 thlengin Mizoramah swab sample 4,21,136 a ni tawh a, chu'ng aṭanga Covid-19 positive hmuh tawh zat 14,533 chu 3.45% a ni. Hripui vei hmuh tawh zinga mi 10,855 chu Mizoram chhunga kái chhâwng an ni a, mi 3,678 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Khua/Veng A zat
AIZAWL DISTRICT
Aizawl Venglai 2
Armed Veng 12
Armed Veng South 1
Bawngkawn 13
Bethlehem Veng 9
Central Jail 2
Chaltlang 9
Chaltlang Lily Veng 1
Chanmari 6
Chanmari West 1
Chawnpui 4
Chhinga Veng 7
Dawrpui 1
Dawrpui Vengthar 16
Dinthar 3
Durtlang 3
Edenthar Veng 6
Electric Veng 23
Hlimen 1
Kanan Veng 3
Laipuitlang 1
Lungverh 2
Maubawk 1
Nursery Veng 2
Phunchawng 2
Ramhlun South 1
Ramhlun Vengthar 2
Ramthar Veng 3
Sakawrtuichhun 4
Salem Veng 11
Saron Veng 22
Tuikual South 1
Tuithiang Veng 7
Ṭhuampui 11
Vaivakawn 6
Venghlui 2
Zarkawt 10
Sairang Dinthar 19
Sihphir 15

LUNGLEI DISTRICT
Lunglei Chanmari 8
Lunglei Electric Veng 4

SIAHA DISTRICT
Siaha Vaihpi-II 1

KOLASIB DISTRICT
Bairabi 10
Bualpui 10
Kolasib College Veng 1
Kolasib Forest Tlang 2
Kolasib Venglai 2
Kawnpui Venglai 4
Mualkhang 2
Rengtekawn 5
Vairengte 14

LAWNGTLAI DISTRICT
Kamalanagar 25
Boganpara 1
Bungtlang South 1
Chawngte-P 1
Karlui 1
Lawngtlai Electric Veng 1
Lawngtlai Vengpui 1

SAITUAL DISTRICT
Dilkhan 1
Khawlian 1
Mimbung 2
Saitual 1

KHAWZAWL DISTRICT
Dulte 1