Rs.23,39,500 pek chhuah remti

Committee on Utilization of Chief Minister’s Relief Fund for Covid-19 chuan, Mizoram hmun hrang hranga de-addiction centre leh childcare institution-te puihna atan CMRF aṭangin Rs. 23,39,500 pek chhuah nimin khan a remti.

CMRF for Covid hi Social Welfare & Tribal Affairs department list thehluh angin district hrang hranga de-addiction centre-a enkawl lai mek mi 4,007 leh child care institution-a enkawl lai mi 672-te tan pek chhuah tur a ni a; mi pakhat zelah Rs. 500 hisapin pek tur a ni. De-addiction centre-te tan Rs. 20,03,500 leh child care institution-te tan Rs. 3,36,000 pek a ni ang.

Meeting-ah hian, inkhàrkhip avanga chhungkuaa harsatna tâwk, CMRF aṭanga ṭanpuina sem chhuah thawh khatna leh thawh hnihna a tel lote chu an mahni awmna VTF/LTF kaltlanga DC ṭheuha an report ngaihchan mek a nih thu tarlan a ni.