Random test kalpui harsat tawh laia Raw-mi buaipui leh si hi a pawi - Duhoma

MLA Lalduhoma, ZPM leader ni bawk chuan nimin khan Lengte ramah Cocoa ṭiak a hawng a, phun nghal a ni. MLA chuan, swab sample random test kalpui sorkarin harsa a tih tawh laia Raw-mi a buaipui leh si chu pawi a tih thu a sawi.

Lalduhoma chuan, Cocoa village neitu Thanhranga'n Cocoa la luta chin nachang a hriat chu fakawm a tih thu a sawi a; sorkarin thlai thar rate a bituk chu an zir chiang hmasa tâwk lo ṭhin nia sawiin, "A pawi hle a, a tuartu chu kan kut hnathawktute tho an ni leh si," a ti.

Mizoram sorkarin swab sample random test kalpui pawh harsa a tih tawh laia Raw-mi an buaipui leh si chu pawi a tih thu sawiin Duhoma chuan, "Raw ṭiak pakhat Rs. 85-a lei ngawt mai hi sorkar a inséngso nasa dawn lutuk. Raw kûng khat hi tualchhungah Rs. 50 a tling dawn lo," a ti a; Rawmi ṭiak man sorkar insenso dan tur chu mi ram ni se, kawng zawh luih luihna tham a nih thu a sawi.

Lalduhoma chuan, Rawmi chungchanga sorkarin a hralhna chiang sa kawhhmuh a nei lo tih sawiin, "Kan CM berin a sawi theih chu, a puitling hi chik phel ila, patling a mut theih tih ringawt kha a ni mai a. Laina hnai sum insiam tawnna mai em ni aw, a tih theih rum rum a ni," a ti.

Cocoa village neitu Thanhranga, Bharatya Kisan Sangh, Mizoram president sawi danin, Cocoa chu Mizoramah a ṭhat duh ringin state pawn aṭangin a la lut a, ṭiak 800 a la lut tawh. Kung 400 vel a phun nung tawh a ni. Vanilla pawh a chah mek bawk.