MBOCWWB Covid-19 Package siam

Mizoram Building & Other Construction Workers’ Welfare Board (MBOCWWB) Secretary chuan nimin khan thuchhuah siamin, Covid-19 léng leh inkhârkhip mek vanga hna thawktu, MBOCWWB-a inziak lutte hnenah chhawmdawlna, ‘Covid-19 Package’ thar ruahman a nih thu a tarlang.

Covid-19 Package pek dan tur
1. Covid-19 vanga hna thawktu, MBOCWWB-a inziak lut thite chu an nominee-te hnenah Rs. 3,00,000 pek a ni ang.
2. Covid-19 vei CCC/CCCC/ZMC, etc.-a enkawl ngaite chu medical benefit bakah Rs. 10,000 pek an ni ang.
3. March 31, 2021-a MBOCWWB membership valid chinte pawm a ni.
4. Chhawmdawlna hian April 2021 hnu lama Covid-19 veite chauh a huam.
5. Chhawmdawlna dil theite chuan anmahni inziah luhna District Registering Officer hnenah dilna form a thlâwna lak theih a ni a, document kimchang nen dilna thehluh tur a ni.
6. Covid-19 avanga thihna leh damlote chhawmdawlna hi a pahniha dil kawp theih a ni lo.