Reenee hand sanitiser a him lo

Health Services joint director (Food and Drugs Administration) Lasawma chuan thuchhuah siamin, kut tihfaina (hand sanitiser) chi hrang hrang zinga Reenee hand sanitiser chu danin a phal ang ni loa zawrh chhuah a nih avangin a siamtu company-in an lâk lêt mek thu a tarlang.

Lalsawma chuan, India ramah hand sani­tiser lem a tam thu tar­langin, "Product ṭha lo dap chhuah hna Mizoram FDA-in a thawk reng a, hmuh chhuah pawh eng emaw zat a nei tawh. Tun hnaiah hand sanitiser chi khat, 'Reenee' tih chu Mizoram hmun ṭhen­khatah a darh leh nual tih hriat a ni," a ti.

Health Services Joint Director (FDA) tarlan danin, Reenee chu a label siam dan a dik loh bakah, hawrawp ziah sual a awm nual a, label fel lo product zawrh chhuah chu Drugs & Cosmetics Rules, 1945-in a khap a ni. Reenee hand sanitiser chu RBM Herbal Care, Ahmedabad, Gujarat siam a ni a, Guja­rat FDA pawhin hma lain, a siamtute chu an hralh chhuah tawh la lêt turin an hriattir a ni.