Green Mizoram Day thuchah tichhuak

Environment, Forest & Climate Change (EFCC) minister TJ Lalnuntluanga chuan Green Mizoram Day pualin nimin khan thuchah a tichhuak a; thing phun chungchangah rilru put hmang siam danglama hmasawn a ṭul thu a sawi.

TJ Lalnuntluanga chuan, Mizoram hmun hrang hrangah Green Mizoram Day-a thing phun puitling tawh leh puitling mekte hmuh tur a awm nual thu sawiin, "Thing phuntu leh hma latu zawng zawng chungah lawmthu ka sawi. Mipuite'n thing ṭiak phun tura kan lâk chhuahte hi sorkar sum leh pái, thâ leh zung tam tak sénga siam a ni tih hre chungin, mahni phun theih tur tâwk leh enkawl zui theih tâwk tur chauh la chhuak ila, a phun nun ṭhat tam lamah ṭhahnem ngai zawk ang u," a ti.

Nungchaa Mizoram hausakna te, boruak leh ramhmul hausaknate chu rohlu a nih thu sawiin Minister chuan, "Khawvel mithmuha kan ram timawitu, kan nunna nena inkungkaih tlat a ni tih hre thar leh ang u," a ti a; tuihna leh boruak ṭha siamtu ramngaw humhalha Zoram nuam siam turin mipui a sáwm a ni.