Myanmar ráltlânte chhawmdawlna pe

MZP General Headquarters leh Mizo Society of America (MSA)-te chuan June 10, Ningani khan Myanmar aṭanga ráltlân Mizorama rawn lutte hnenah chhawmdawlna thilpek eng emaw zat an hlân.

MZP leh MSA hian chhawmdawlna hi Hnahthial district-a Cherhlun, Thingsai, leh New Ngharchhip khuaa mite hnenah an hlàn a; MZP Gen. Hqrs aṭangin general secretary Lalnunmawia Pautu hoin hruaitu eng emaw zat kalin, Cherhlun leh New Ngharchhipa MZP-te'n an ṭawiawm bawk.

Ṭanpuina an pek hi Rs. 70,000, ei tur leh bungrua a ni a; Thingsaiah Rs. 45,000 bakah ei tur, New Ngharchhipah Rs. 15,000 leh ei tur, Cherhlunah Rs. 10,000 leh ei turte an pe a ni.

MZP chuan, Myanmar aṭanga Zo hnahthlakte chhawmdawlna an hlannaah khaw hrang hrang task force-te'n an lo buaipuinaah lawmthu an sawi a ni.