COVID-19 VEI THI 1 AWM BELH

Covid-19 vei State Referral Hospital-a enkawl lai C Vanlawma (75) h/o Hrangzikpuii (L), Chaltlang Lily Veng chu zanin (June 11) dar 8:15 khan a thi a, sorkar record angin Mizorama hripui vanga thi 62-na a ni a; naktukah vui a ni ang.

C Vanlawma hi Covid19 positive a ni tih June 1, 2021 khan hmuh chhuah niin, hemi ni vêk hian SRH-ZMC-ah dah luh a ni a; natna benvawn dang nei sa a nih thu sorkar thuchhuakin a tarlang.