GST Council Meeting neih a ni

Union Finance & Corporate Affairs minister Nirmala Sitharaman kaihhruaiin June 12, Inrinni khan video conferencing kaltlangin Goods and Services Tax (GST) Council Meeting vawi 44-na neih a ni a; Covid-19 dona leh damlote enkawlna tur damdawi leh hmanrua atana GST lak chungchang leh mipuite chhâwk zângkhai theih dan tur an sawiho.

Covid-19 dona leh damlote enkawlna atana damdawi leh hmanraw hrang hrang aṭanga GST lak ṭhin ṭhekhat chu tihhniam ṭha an ti a, notification hmangin sorkarin thuchhuah siam se, an ti. Rate tihdanglam chuan September 2021 thleng a awh dawn a ni.

Ṭhutkhawmah hian Mizoram aṭangin Taxation minister Lalchamliana, secretary Vanlal Chhuanga leh commissioner Kailiana Ralte te an tel a; Taxation officer dangte'n an ṭawiawm.